ਗ਼ਜ਼ਲ (ਗ਼ਜ਼ਲ )

ਹਰਚੰਦ ਸਿੰਘ ਬਾਸੀ   

Email: harchandsb@yahoo.ca
Cell: +1 905 793 9213
Address: 16 maldives cres
Brampton Ontario Canada
ਹਰਚੰਦ ਸਿੰਘ ਬਾਸੀ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਲੋਕਾਂ ਨੂੰ ਸਹਿਣੀ ਪੈਦੀ ਜਿਲਤ ਨਿੱਤ ਹੀ ਸਰਕਾਰ ਦੀ
ਸ਼ਾਇਦ ਪੀੜ੍ਹ ਘੱਟ ਹੋਵੇ ਲੱਗੀ ਤਿਖੀ ਕਟਾਰ ਦੀ

ਆਪਣੇ ਘਰ ਵੀ ਸਹਿਮ ਵਿਚ ਰਹਿੰਦਾ ਹੈ ਘਰ ਦਾ ਮਾਲਕ
ਕਿਉਂ ਬੈਠੈਂ ਘਰ ਬੇਗਾਨੇ ਆਏ ਸੰਮਨ ਸਰਕਾਰ ਦੀ

ਦਿਨ ਕਢਣੇ ਪੈਂਦੇ ਲੁਕ ਕੇ ਧੀ ਭੈਣ ਮਹਿਫੂਜ਼ ਰਹੇ
ਘਰ ਸੁਰਖੀ ਨਾ ਬਣ ਜੇ ਸ਼ਹਿਰ ਦੇ ਅਖਬਾਰ ਦੀ

ਕੱਦ ਲੈ ਜਾਏ ਪੁਲਸ ਉਠਾਕੇ ਪਿੰਜ ਦਏ ਉਹ ਰੂੰ ਵਾਂਗੂੰ
ਗਲੀ ਵੀ ਹੋ ਜਾਏ ਗੁੰਗੀ ਧਮਕ ਸੁਣ ਹੌਲਦਾਰ ਦੀ

ਨੰਨੀਆਂ ਛਾਵਾਂ ਦੀ ਗੁੱਤ ਰਾਹਾਂ ਚ ਖੋਹੀ ਜਾਂਦੀ
ਧਾੜ ਜਿਵੇਂ ਲੁੱਟ ਲੈਂਦੀ ਸੀ ਪਤ ਕਾਬਲ ਕੰਧਾਰ ਦੀ

ਇਹ ਕਹਿਣ ਦੀ ਹਿੰਮਤ ਮੁੱਕ ਗਈ ਅੱਜ ਬੰਦੇ ਵਿੱਚੋਂ
ਬਾਸੀ ਵੀ ਕੁੱਝ ਹਸਤੀ ਹੈ ਨਹੀਂ ਉਹ ਵਸਤ ਬਜ਼ਾਰ ਦੀ