ਕਵਿਤਾਵਾਂ

  •    ਛੋਟੇ ਸਾਹਿਬਜਾਦੇ ਤੇ ਵਜ਼ੀਰ ਖਾਨ / ਮੇਹਰ ਸਿੰਘ ਸੇਖਾ (ਕਵੀਸ਼ਰੀ )
  •    ਦੁਨੀਆਂ ਗੋਲ ਹੈ / ਜਗਜੀਵਨ ਕੌਰ (ਕਵਿਤਾ)
  •    ਗ਼ਜ਼ਲ / ਅਮਰਜੀਤ ਸਿੰਘ ਸਿਧੂ (ਗ਼ਜ਼ਲ )
  •    ਦਸ ਗ਼ਜ਼ਲਾਂ / ਗੁਰਭਜਨ ਗਿੱਲ (ਗ਼ਜ਼ਲ )
  •    ਛੱਲਾ / ਲੱਕੀ ਚਾਵਲਾ (ਕਵਿਤਾ)
  •    ਗ਼ਜ਼ਲ / ਸੁਰਜੀਤ ਸਿੰਘ ਕਾਉਂਕੇ (ਗ਼ਜ਼ਲ )
  •    ਮਿਸ਼ਰ ਦੇ ਲੋਕਾਂ ਦੇ ਨਾਮ / ਸਤੀਸ਼ ਠੁਕਰਾਲ ਸੋਨੀ (ਕਵਿਤਾ)
  •    ਸੱਚ ਆਖਾਂ / ਹਨੀ ਖੁੜੰਜ਼ (ਕਵਿਤਾ)
  •    ਭਖਦੇ ਮਸਲਿਆਂ 'ਤੇ ਸੰਵਾਦ / ਸਾਧੂ ਰਾਮ ਲੰਗਿਆਣਾ (ਡਾ.) (ਕਵਿਤਾ)
  •    ਕਬਿੱਤ / ਗੁਰਮੀਤ ਸਿੰਘ 'ਬਰਸਾਲ' (ਕਵਿਤਾ)
  •    ਜਾਦੂਗਰ / ਗੁਰਮੀਤ ਰਾਣਾ (ਕਵਿਤਾ)
  •    ਜ਼ਹਿਰੀ ਗੀਤ / ਗੁਰਮੇਲ ਬੀਰੋਕੇ (ਕਵਿਤਾ)
  •    ਮਤਲਬ / ਹਰਦੀਪ ਬਿਰਦੀ (ਕਵਿਤਾ)
  •    ਲੇਖਕਾਂ ਦੀ ਗੱਲਬਾਤ / ਸੁੱਖਾ ਭੂੰਦੜ (ਕਵਿਤਾ)
  •    ਗ਼ਜ਼ਲ / ਬਲਦੇਵ ਸਿੰਘ ਜਕੜੀਆ (ਗ਼ਜ਼ਲ )
  •    ਬੁੱਢੀ ਮਾਂ / ਬਲਜੀਤ ਸਿੰਘ 'ਭੰਗਚੜਹੀ' (ਕਵਿਤਾ)
  •    ਜ਼ਖ਼ਮਾਂ ਦੇ ਦਰਦ / ਸੁਖਵਿੰਦਰ ਕੌਰ 'ਹਰਿਆਓ' (ਕਵਿਤਾ)
  •    ਅਖ਼ਬਾਰ / ਹਰਦੇਵ ਸਿੰਘ (ਕਵਿਤਾ)
  • ਕਬਿੱਤ (ਕਵਿਤਾ)

    ਗੁਰਮੀਤ ਸਿੰਘ 'ਬਰਸਾਲ'   

    Email: gsbarsal@gmail.com
    Address:
    ਕੈਲੇਫੋਰਨੀਆਂ California United States
    ਗੁਰਮੀਤ ਸਿੰਘ 'ਬਰਸਾਲ' ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


    ਬੱਚਿਆਂ ਨੂੰ ਘੂਰ-ਘੂਰ, ਘੂਰ-ਘੂਰ ਰੱਖਣੇ ਤੋਂ,
    ਚੰਗਾ ਹੁੰਦਾ ਪਿਆਰ ਨਾਲ ਦੋਸਤ ਬਣਾਵਣਾ ।
    ਰੱਜਿਆਂ ਨੂੰ ਛਕੋ-ਛਕੋ, ਛਕੋ-ਛਕੋ ਕਹਿਣ ਨਾਲੋਂ,
    ਚੰਗਾ ਹੁੰਦਾ ਭੁੱਖਿਆਂ ਦੇ ਢਿੱਡ ਕੁਝ ਪਾਵਣਾ ।
    ਭੇਖ ਨਾਲ ਵੱਖ-ਵੱਖ, ਵੱਖ-ਵੱਖ ਦਿਖਣੇ ਤੋਂ,
    ਚੰਗਾ ਹੁੰਦਾ ਵੱਖ ਕੰਮ ਕਰ ਕੋਈ ਦਿਖਾਵਣਾ ।
    ਤੀਰਥਾਂ ਤੇ ਭਾਉਂਦੇ-ਭਾਉਂਦੇ, ਭਾਉਂਦੇ-ਭਾਉਂਦੇ ਰਹਿਣ ਨਾਲੋਂ,
    ਚੰਗਾ ਹੁੰਦਾ ਮਾਪਿਆਂ `ਨਾ ਸਮੇਂ ਨੂੰ ਬਿਤਾਵਣਾ ।
    ਗੋਲਕਾਂ ਚ ਪੈਸਾ-ਪੈਸਾ, ਪੈਸਾ-ਪੈਸਾ ਪਾਉਣ ਨਾਲੋਂ,
    ਚੰਗਾ ਹੁੰਦਾ ਪੈਸਾ ਲੋੜਵੰਦਾਂ ਤੇ ਲਗਾਵਣਾ ।
    ਬਾਹਰੋਂ-ਬਾਹਰੋਂ, ਬਾਹਰੋਂ-ਬਾਹਰੋਂ ਧਰਮੀ ਦਿਖਾਵੇ ਨਾਲੋਂ,
    ਚੰਗਾ ਵਿਵਹਾਰ ਵਿੱਚ ਧਰਮ ਅਪਣਾਵਣਾ ।
    ਸੱਚ ਬੋਲੋ, ਸੱਚ ਬੋਲੋ, ਸੱਚ ਬੋਲੋ, ਕਹਿਣ ਨਾਲੋਂ,
    ਚੰਗਾ ਹੁੰਦਾ ਅਮਲਾਂ `ਚ ਸੱਚ ਨੂੰ ਲਿਆਵਣਾ ।
    ਰੱਬ-ਰੱਬ, ਰੱਬ-ਰੱਬ, ਰੱਬ-ਰੱਬ, ਰਟਣੇ ਤੋਂ,
    ਚੰਗਾ ਹੁੰਦਾ ਸਭਨਾ `ਚ ਰੱਬ ਦਿਖ ਜਾਵਣਾ ।।