ਸਭ ਰੰਗ

  •    ਅਧਿਆਪਕ ਜੋ ਮੇਰੇ ਦਿਲ ਵਿੱਚ ਵੱਸਦੇ ਨੇ / ਚਰਨਜੀਤ ਕੈਂਥ (ਲੇਖ )
  •    ਚੋਣਾਂ ਦੀ ਮਸ਼ਹੂਰੀ ਬਨਾਮ ਪੰਜਾਬੀ ਮਾਂ ਬੋਲੀ / ਇਕਵਾਕ ਸਿੰਘ ਪੱਟੀ (ਲੇਖ )
  •    ਭੈਣ ਘਰ ਭਾਈ ਤੇ ਸਹੁਰੇ ਘਰ ਜਵਾਈ / ਰਮੇਸ਼ ਸੇਠੀ ਬਾਦਲ (ਲੇਖ )
  •    ਜਦੋਂ ਸਾਲੀ ਨੇ ਖਵਾਇਆ ਦੇਸੀ ਮੁਰਗਾ / ਜਸਵੀਰ ਸ਼ਰਮਾ ਦੱਦਾਹੂਰ (ਵਿਅੰਗ )
  •    ਮੇਰੀ ਸਰਦਲ ਦੇ ਦੀਵੇ / ਗੁਰਮੀਤ ਸਿੰਘ ਫਾਜ਼ਿਲਕਾ (ਪੁਸਤਕ ਪੜਚੋਲ )
  •    ਖੁਸ਼ੀ ਤੋਂ ਵੱਡਾ ਕੋਈ ਗਹਿਣਾ ਨਹੀ / ਵਿਵੇਕ (ਲੇਖ )
  •    ਰੰਗਿ ਹਸਹਿ ਰੰਗਿ ਰੋਵਹਿ / ਦਲਵੀਰ ਸਿੰਘ ਲੁਧਿਆਣਵੀ (ਪੁਸਤਕ ਪੜਚੋਲ )
  •    ਸ਼ਰਨਜੀਤ ਬੈਂਸ ਦੀ ਪੁਸਤਕ - ਸੰਗੀਤਕ ਇਸ਼ਕ ਦਾ ਖ਼ਜਾਨਾ / ਉਜਾਗਰ ਸਿੰਘ (ਪੁਸਤਕ ਪੜਚੋਲ )
  •    ਰਾਜਪ੍ਰੀਤ / ਰਿਸ਼ੀ ਗੁਲਟੀ (ਲੇਖ )
  •    ਹੁਕਮਨਾਮਿਆਂ ਰਾਹੀਂ ਸਤਿਗੁਰ ਰਾਮ ਸਿੰਘ ਜੀ ਦਾ ਬਿੰਬ / ਲਾਭ ਸਿੰਘ ਖੀਵਾ (ਡਾ.) (ਲੇਖ )
  •    ਵੋਟ ਮੰਗਤਿਆਂ ਤੋਂ ਬਚਣ ਦਾ ਕਾਰਗਰ ਘਰੇਲੂ ਨੁਸਖਾ / ਮਿੰਟੂ ਬਰਾੜ (ਵਿਅੰਗ )
  • ਜਦੋਂ ਸਾਲੀ ਨੇ ਖਵਾਇਆ ਦੇਸੀ ਮੁਰਗਾ (ਵਿਅੰਗ )

    ਜਸਵੀਰ ਸ਼ਰਮਾ ਦੱਦਾਹੂਰ   

    Email: jasveer.sharma123@gmail.com
    Cell: +91 94176 22046
    Address:
    ਸ੍ਰੀ ਮੁਕਤਸਰ ਸਾਹਿਬ India
    ਜਸਵੀਰ ਸ਼ਰਮਾ ਦੱਦਾਹੂਰ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


    ਦੋਸਤੋਂ ਜੀਭ ਦਾ ਸਵਾਦ ਭੈੜਾ ਹੁੰਦਾ ਹੈ, ਇਨਸਾਨ ਲੱਜਤਾ ਪਿਛੇ ਕੁੱਝ ਵੀ ਕਰ ਗੁਜਰਨ ਲਈ ਹਮੇਸ਼ਾ ਤਿਆਰ ਰਹਿੰਦਾ ਹੈ। ਇਸੇ ਤਰ੍ਹਾਂ ਹੀ ਮੇਰੇ  ਨਾਲ ਵੀ ਵਾਪਰਿਆ। ਸਾਲੀ ਦਾ ਫੋਨ ਆਇਆ ਕਿ ਜੀਜਾ ਜੀ ਦੇਸੀ ਮੁਰਗਾ ਖਾਣਾ ਹੈ ਤਾਂ ਤੁਹਾਡੇ ਭਾਈ ਸਾਹਿਬ(ਸਾਢੂ) ਨੇ ਬਹੁਤ ਵਧੀਆ ਅੱਜ ਪਿੰਡ ਚੋ ਦੇਸੀ ਮੁਰਗਾ ਲਿਆਂਦਾ ਹੈ ਤੇ ਮੈਂ ਵੀ ਵਧੀਆ ਮਸਾਲਿਆਂ ਦੇ ਨਾਲ ਬਣਾਉਂਗੀ, ਜੇਕਰ ਤੁਸੀ ਦੇਸੀ ਮੁਰਗਾ ਖਾਣਾ ਹੈ, ਤਾਂ ਖੰਝਿਆ ਜੋ ਨਾ ਅੱਜ ਸਾਡੇ ਪਾਸ ਆ ਜਾਣਾ। ਜਿਵੇਂ ਮੈਂ ਪਹਿਲਾਂ ਜਿਕਰ ਕੀਤਾ ਹੈ ਕਿ ਆਦਮੀ ਜੀਭ ਦੇ ਸਵਾਦ ਸਦਾ ਹੀ ਭਾਲਦਾ ਹੈ ਤੇ ਉਹ ਵੀ ਜੇਕਰ ਸਾਲੀ ਦਾ ਫੋਨ ਦੇਸੀ ਮੁਰਗੇ ਦਾ ਆਇਆ ਹੋਵੇ ਤਾ ਫਿਰ ਮੂੰਹ ਵਿੱਚ ਪਾਣੀ ਨਾ ਭਰੇ, ਇਹ ਤਾਂ ਹੋ ਹੀ ਨਹੀਂ ਸਕਦਾ। ਯਾਰਾਂ ਨੇ ਇਕ ਦੋ ਸੂਟ ਪੈਕ ਕੀਤੇ ਬੈਗ ਚ ਪਾਏ ਤੇ ਖਿੱਚ ਲਈ ਤਿਆਰੀ ਬੱਚਿਆਂ (ਨੂੰਹਾਂ) ਨੇ ਬਥੇਰਾ ਪੁਛਿਆ ਕਿ ਡੈਡੀ ਜੀ ਅਚਨਚੇਤ ਹੀ  ਕਿਧਰ ਦੀ ਤਿਆਰੀ ਕਰ ਲਈ? ਕੋਈ ਅਚਾਨਕ ਹੀ ਕੰਮ ਪੈ ਗਿਆ ਕਹਿ ਕੇ ਛੇਤੀ ਦੇਣੇ ਬੱਸ ਫੜੀ ਤੇ ਪਹੁੰਚ ਗਿਆ ਸਾਲੀ ਦੇ ਪਿੰਡ। ਮੁਰਗੇ ਦਾ ਤਾਂ ਕਿਤੇ ਨਾਮੋ ਨਿਸ਼ਾਨ ਨਹੀ ਸੀ ਤੇ ਨਾ ਹੀ ਕੋਈ ਕਿਸੇ ਕਿਸਮ ਦੀ ਘਰੋਂ ਅਵਾਜ ਹੀ ਮੁਰਗੇ ਦੀ ਆ ਰਹੀ ਸੀ। ਮੈਂ ਸੋਚਿਆ ਕਿ ਸ਼ਾਇਦ ਵੱਢ ਕੇ ਪਹਿਲਾਂ ਹੀ ਕੰਮ ਨਿਬੇੜ ਲਿਆ ਹੋਵੇਗਾ। ਜਿਵੇਂ ਜਿਵੇਂ ਸ਼ਾਮ ਪੈ ਰਹੀ ਸੀ ਮੇਰੀ ਦੇਸੀ ਮੁਰਗੇ ਖਾਣ ਦੀ ਲਾਲਸਾ ਵਧ ਰਹੀ ਸੀ, ਅਚਾਨਕ ਕਿਸੇ ਮਰੀਜ ਨੂੰ ਘਰ ਜਾ ਕੇ ਦਵਾਈ ਦੇਣ ਦਾ ਸੰਦੇਸ਼ ਸਾਢੂ ਸਾਹਿਬ ਨੂੰ ਆਇਆ ਤੇ ਉਹ ਚਲੇ ਗਏ ਤੇ ਜਾਂਦੇ ਜਾਂਦੇ ਕਹਿ ਗਏ ਕਿ ਰੋਟੀ ਦੀ ਤਿਆਰੀ ਕਰੋ ਮੈਂ ਹੁਣੇ ਆਇਆ। ਕੋਈ 15/20 ਮਿੰਟਾਂ ਵਿੱਚ ਡਾਕਟਰ ਸਾਹਿਬ ਆ ਗਏ ਮੈਂ ਤੇ ਸਾਢੂ ਸਾਹਿਬ ਐਧਰ ਉਧਰ ਦੀਆਂ ਗੱਲਾਂ ਕਰਦੇ ਰੋਟੀ ਦੇ ਨਾਲ ਮੁਰਗੇ ਦੀ ਉਡੀਕ ਕਰਨ ਲੱਗੇ। ਥੋੜੀ ਦੇਰ ਬਾਅਦ ਗਰਮ ਪਾਣੀ+ਠੰਡਾ ਪਾਣੀ ਦੇ ਦੋ ਜੱਗ ਅਚਾਰ, ਗਿਲਾਸ ਆ ਗਏ। ਉਤਸੁਕਤਾ ਹੋਰ ਵਧ ਗਈ ਹੁਣ ਜਲਦੀ ਹੀ ਰੋਟੀ ਤੇ ਦੇਸੀ ਮੁਰਗਾ ਆ ਜਾਵੇਗਾ। ਸੋ ਦੋ ਥਾਲੀਆਂ ਵਿੱਚ ਰੋਟੀ ਪਰੋਸ ਕੇ ਆ ਗਈ, ਥੋੜੀ ਦੇਰ ਹੋਰ ਉਡੀਕ ਕੀਤੀ ਕਿ ਮੁਰਗੇ ਵਾਲਾ ਡੁੰਘਾ ਬਾਅਦ ਵਿੱਚ ਆਵੇਗਾ ਪਰ ਸਾਲੀ ਸਾਹਿਬਾਂ ਕਹਿਣ ਲੱਗੇ ਖਾਓ ਜੀ ਬੈਠੇ ਕੀ ਕਰ ਰਹੇ ਹੋ? ਮੈਂ ਕਿਹਾ ਕਿ ਮੁਰਗਾ ਵੀ ਲਿਆਓ, ਤੇ ਉਹ ਕਹਿੰਦੀ ਇਹੀ ਹੈ ਜੋ ਆਪ ਦੇ ਮੂਹਰੇ ਪਿਆ ਹੈ, ਸਾਡੇ ਪਿੰਡਾਂ ਵੱਲ ਤਾਂ ਵਧੀਆ ਦੇਸੀ ਸਰੋਂ ਦੇ ਸਾਗ ਨੂੰ ਹੀ ਦੇਸੀ ਮੁਰਗਾ ਕਹਿੰਦੇ ਨੇ, ਮੈਂ ਮੱਥੇ ਤੇ ਹੱਥ ਮਾਰਿਆ ਕਿ ਐਸਾ ਦੇਸੀ ਮੁਰਗਾ ਤਾਂ ਮੈਂ ਇਸ ਤੋਂ ਅੱਧੇ ਪੈਸਿਆ ਨਾਲ ਆਪਦੇ ਹੀ ਸ਼ਹਿਰ ਖਾ ਲੈਣਾ ਸੀ, ਜਿਨਾਂ ਬੱਸ ਦਾ ਕਿਰਾਇਆ ਲਾ ਕੇ ਮੈਂ ਤੁਹਾਡੇ ਘਰ ਮੁਰਗਾ ਖਾਣ ਪਹੁੰਚਿਆ ਹਾਂ? ਸਾਲੀ ਦੇ ਬੋਲ ਸਨ ਪਰ ਜੀਜਾ ਜੀ ਉੱਥੇ ਸਾਲੀ ਦੇ ਹੱਥ ਦੇ ਬਣੇ ਮੁਰਗੇ ਦਾ ਸਵਾਦ ਤਾਂ ਨਹੀਂ ਸੀ ਨਾ ਆਉਣਾ?