ਕੰਜਕਾਂ (ਕਵਿਤਾ)

ਹਰਦੀਪ ਬਿਰਦੀ   

Email: deepbirdi@yahoo.com
Cell: +91 90416 00900
Address:
Ludhiana India 141003
ਹਰਦੀਪ ਬਿਰਦੀ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਖ਼ਿਆਲ ਦਿਲ ਵਿੱਚ ਲੈਕੇ ਟੈਸਟ ਕਰਾਉਣ ਦਾ
ਸ਼ੋਸ਼ਾ ਫ਼ੇਰ ਕੀਤਾ ਕਈਆਂ ਕੰਜਕਾਂ ਮਨਾਉਣ ਦਾ

ਲਾਏ ਟਿੱਕੇ ਮੱਥੇ ਘਰ ਆਈਆਂ ਬਾਲੜੀਆਂ ਦੇ 
ਦਿਲ ਚ ਖ਼ਿਆਲ ਦਾਦੀ ਦੇ ਪੋਤੀ ਨਾ ਪਾਉਣ ਦਾ

ਜਾਣਾ ਡਾਕਟਰ ਦੇ ਜ਼ਰੂਰ ਕਹੇ ਸੱਸ ਪੂਜਾ ਮਗਰੋਂ 
ਹਰਜ਼ ਕੀ ਕਹਿੰਦੀ ਇਕ ਟੈਸਟ ਕਰਵਾਉਣ ਦਾ

ਢੋਂਗ ਕੀਤਾ ਜਾ ਰਿਹਾ ਹੈ ਦੇਵੀ ਦੇ ਪੂਜਨ ਦਾ
ਪਰਣ ਲਿਆ ਜਿਵੇਂ ਭਰੂਣ ਉਸਦਾ ਮਿਟਾਉਣ ਦਾ

ਪਾਪ ਧੋਣ ਦਾ ਲਗਦਾ ਇਹ ਨਿਰਾਲਾ ਤਰੀਕਾ
ਪੂਜਾ ਕਿਸੇ ਦੀ ਧੀ ਦੀ ਤੇ ਅਪਣੀ ਮੁਕਾਉਣ ਦਾ

ਰੋਲ ਔਰਤ ਦਾ ਹੀ ਜ਼ਿਆਦਾ ਇਸ ਕਹਾਣੀ ਵਿੱਚ
ਔਰਤ ਹੱਥੋਂ ਔਰਤ ਦਾ ਕਿਰਦਾਰ ਮਰਵਾਉਣ ਦਾ

ਕਰੋ ਦੁਆ ਕਿ ਇਹ ਕਵਿਤਾ ਇੱਕ ਕਾਰਣ ਬਣੇ
ਭਰੂਣ ਹੱਤਿਆ ਵਾਲੀ ਲਾਹਨਤ ਮਿਟਾਉਣ ਦਾ