ਸਭ ਰੰਗ

  •    ਕੰਡਿਆਲੇ ਰਾਹਾਂ ਦਾ ਸਫ਼ਰ / ਗੁਰਸ਼ਰਨ ਸਿੰਘ ਕੁਮਾਰ (ਲੇਖ )
  •    ਤਾਈ ਨਿਹਾਲੀ ਦੇ ਸ਼ੱਕਰਪਾਰੇ / ਸਾਧੂ ਰਾਮ ਲੰਗਿਆਣਾ (ਡਾ.) (ਵਿਅੰਗ )
  •    ਮਾਵਾਂ ਦੀਆਂ ਦੁਆਵਾਂ / ਗੁਰਦੀਸ਼ ਗਰੇਵਾਲ (ਲੇਖ )
  •    ਸੁਰੀਲਾ ਅਲਗੋਜ਼ਾ ਵਾਦਕ ਤਾਰਾ ਚੰਦ / ਗੁਰਭਜਨ ਗਿੱਲ (ਲੇਖ )
  •    ਪਰਮਵੀਰ ਜ਼ੀਰਾ ਦਾ ਪੁਸਤਕ ਪਰਵਾਜ਼ / ਉਜਾਗਰ ਸਿੰਘ (ਆਲੋਚਨਾਤਮਕ ਲੇਖ )
  •    ਕਹਾਣੀ ਸੰਗ੍ਰਹਿ -- ਦਿਨ ਢਲੇ / ਗੁਰਮੀਤ ਸਿੰਘ ਫਾਜ਼ਿਲਕਾ (ਪੁਸਤਕ ਪੜਚੋਲ )
  •    ਸਿੱਖਾਂ ਦੀ ਆਨ-ਸ਼ਾਨ ਦੀ ਪ੍ਰਤੀਕ ਹੈ ਦਸਤਾਰ / ਇਕਵਾਕ ਸਿੰਘ ਪੱਟੀ (ਲੇਖ )
  •    ਵਿਰਸੇ ਦੀਅਾਂ ਬਾਤਾਂ / ਜਸਵੀਰ ਸ਼ਰਮਾ ਦੱਦਾਹੂਰ (ਲੇਖ )
  •    ਇਹ ਹੈ ਸਮੇਂ ਦਾ ਹੇਰ ਫੇਰ / ਵਿਵੇਕ (ਲੇਖ )
  •    ਇਟਲੀ ਵਿੱਚ ਸਿੱਖ ਫੌਜੀ / ਪੰਜਾਬੀਮਾਂ ਬਿਓਰੋ (ਪੁਸਤਕ ਪੜਚੋਲ )
  •    ਘਿਓ ਬਣਾਵੇ ਤੋਰੀਆਂ / ਰਮੇਸ਼ ਸੇਠੀ ਬਾਦਲ (ਲੇਖ )
  •    ਕਰਮਾਂਵਾਲੀਆਂ / ਨਿਸ਼ਾਨ ਸਿੰਘ ਰਾਠੌਰ (ਲੇਖ )
  • ਪੰਜਾਬੀ (ਕਵਿਤਾ)

    ਰਾਕੇਸ਼ ਸੋਹਲ   

    Email: rakeshsohal07430@gmail.com
    Address: ਪਿੰਡ ਸਾਊਪੁਰ (ਬੜੀਵਾਲ),ਡਾਕ: ਨੂਰਪੁਰ ਬੇਦੀ ਤਹਿ. ਸ੍ਰੀ ਅਨੰਦਪੁਰ ਸਾਹਿਬ
    ਰੋਪੜ India 140117
    ਰਾਕੇਸ਼ ਸੋਹਲ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


    ਤੇਰਾ ਊੜਾ ਕਰਤਾਰ ਨੇ ਸਾਜਾ
    ਤੂੰ ਸਭ ਤੋਂ ਪਾਕ ਪਵਿੱਤਰ
    ਤੇਰੀ ਉਪਜ ਮਿਟਾਉਣ ਦੀ ਖਾਤਿਰ
    ਸਭ ਬਣ ਗਏ ਵੈਰੀ ਮਿੱਤਰ

    ਉਠੇ ਨੇ ਕਈ ਵਾਰ ਜਨਾਜੇ
    ਤੇਰੇ ਸੱਸੇ ਹਾਹੇ ਦੇ
    ਸਮੇਂ ਸਮੇਂ ਤੇ ਬਣੇ ਸਜੀਵਨੀ
    ਗਲ ਵਿਚ ਤੇਰੇ ਫਾਹੇ ਦੇ

    ਨਾਨਕ ਬਾਬੇ ਤੋਂ ਲੈ ਗੁੜ੍ਹਤੀ
    ਤੂੰ ਬਣ ਗਈ ਮਾਖਿਓਂ ਮਿੱਠੀ
    ਤੇਰੇ ਤੰਨ ਲਈ ਬਣ ਗਈ ਚਾਦਰ
    ਪੰਜ ਆਬ ਦੀ ਮਿੱਟੀ

    ਤੂੰ ਵਾਰਸ ਦੀ ਹੀਰ ਸਲੇਟੀ
    ਵੀਰ ਸਿੰਘ ਦੀ ਬੋਲੀ
    ਰੰਕਾ ਕੋਲੋ ਰਾਜ ਕਰਾਕੇ
    ਫਿਰ ਵੀ ਬਣ ਗਈ ਗੋਲੀ

    ਲੈ ਕੇ ਤੈਥੋਂ ਸ਼ਬਦ ਉਧਾਰੇ
    ਕਰ ਤਾ ਤੈਨੂੰ ਲਾਂਭੇ
    ਸਦਕੇ ਤੇਰੀ ਮਮਤਾ ਤੋਂ
    ਤੂੰ ਫਿਰ ਵੀ ਪੁੱਤਰ ਸਾਂਭੇ

    ਯੱਈਏ ਤੇਰੇ ਤੋਂ ਯੋਧੇ ਨਿਕਲੇ
    ਮੰਨੀ ਕਦੇ ਨਾ ਹਾਰ
    ਪੁੱਠ ਓਹਨਾ ਲੈ ਰੋਮਨ ਕੋਲੋਂ
    ਤੇਰੇ ਤੇ ਕਰਤੇ ਵਾਰ

    ਤੇਰੀ ਗੋਦੜੀ ਵਿਚੋਂ ਸਿੱਖਿਆ
    ਨਿਰਵੈਰ ਅਸੀਂ ਨਿਰਭਉ
    ਕਾਂ ਤਾਂ ਗੰਦ ਫਰੋਲਣਗੇ
    ਨਾ ਪੌਣਾ ਚੋਂ ਖੁਸ਼ਬੋ

    ਪਹਿਲਾਂ ਵਾਂਗੂ ਹੁਣ ਵੀ ਹੋਜੂ
    ਤੇਰੀ ਟੋਹਰ ਨਵਾਬੀ
    ਦੁਨੀਆਂ ਤੱਕ ਆਬਾਦ ਰਹੂਗੀ
    ਮਾਂ ਬੋਲੀ ਪੰਜਾਬੀ