ਕਵਿਤਾਵਾਂ

  •    ਬਚਪਨ ਵਿੱਚ / ਓਮਕਾਰ ਸੂਦ (ਕਵਿਤਾ)
  •    ਉਮੀਦ / ਓਮਕਾਰ ਸੂਦ (ਕਵਿਤਾ)
  •    ਤੋਤਾ-ਤੋਤੀ ਗਏ ਬਜਾਰ (ਬਾਲ-ਕਵਿਤਾ) / ਓਮਕਾਰ ਸੂਦ (ਕਵਿਤਾ)
  •    ਨਸ਼ਿਆਂ ਦਾ ਪੱਟਿਆ / ਓਮਕਾਰ ਸੂਦ (ਕਵਿਤਾ)
  •    ਹੌਂਸਲੇ ਦੀ ਕਵਿਤਾ / ਓਮਕਾਰ ਸੂਦ (ਕਵਿਤਾ)
  •    ਠੰਢ ਦਾ ਗੀਤ / ਓਮਕਾਰ ਸੂਦ (ਗੀਤ )
  •    ਯੁੱਗ ਹੁਣ ਨਵਾਂ ਆਂ ਗਿਆਂ / ਓਮਕਾਰ ਸੂਦ (ਗੀਤ )
  •    ਧੀ ਰਾਣੀ / ਓਮਕਾਰ ਸੂਦ (ਕਵਿਤਾ)
  •    ਨੀਰ ਬਚਾਓ / ਓਮਕਾਰ ਸੂਦ (ਕਵਿਤਾ)
  •    ਹੌਂਸਲੇ ਦੀ ਕਵਿਤਾ / ਓਮਕਾਰ ਸੂਦ (ਕਵਿਤਾ)
  •    ਸੁਹਣੇ ਪੰਛੀ / ਓਮਕਾਰ ਸੂਦ (ਕਵਿਤਾ)
  •    ਗਰਮੀ / ਓਮਕਾਰ ਸੂਦ (ਕਵਿਤਾ)
  •    ਚਿੜੀਏ ਨੀਂ ਚਿੜੀਏ / ਓਮਕਾਰ ਸੂਦ (ਗੀਤ )
  •    ਜੀਵਨ ਦੇ ਚਾਰ ਪੜਾਓ / ਓਮਕਾਰ ਸੂਦ (ਕਵਿਤਾ)
  •    ਵਾਤਾਵਰਣ ਬਚਾਈਏ / ਓਮਕਾਰ ਸੂਦ (ਕਵਿਤਾ)
  •    ਮਾਂ ਬੋਲੀ ਪੰਜਾਬੀ / ਓਮਕਾਰ ਸੂਦ (ਕਵਿਤਾ)
  •    ਦਸ਼ਮੇਸ਼ ਪਿਤਾ / ਓਮਕਾਰ ਸੂਦ (ਕਵਿਤਾ)
  •    ਸਾਰੰਗੀ ਦੇ ਟੁੱਟੇ ਤਾਰ / ਓਮਕਾਰ ਸੂਦ (ਕਵਿਤਾ)
  •    ਉਹ ਵੇਲਾ ਤੇ ਇਹ ਵੇਲਾ / ਓਮਕਾਰ ਸੂਦ (ਕਵਿਤਾ)
  •    ਚਿੜੀਓ ! / ਓਮਕਾਰ ਸੂਦ (ਕਵਿਤਾ)
  •    ਵਿਸਾਖੀ / ਓਮਕਾਰ ਸੂਦ (ਕਵਿਤਾ)
  •    ਸੂਲੀ ਉੱਤੇ ਜਾਨ / ਓਮਕਾਰ ਸੂਦ (ਗੀਤ )
  • ਬਚਪਨ ਵਿੱਚ (ਕਵਿਤਾ)

    ਓਮਕਾਰ ਸੂਦ   

    Email: omkarsood4@gmail.com
    Cell: +91 96540 36080
    Address: 2467,ਐੱਸ.ਜੀ.ਐੱਮ.-ਨਗਰ
    ਫ਼ਰੀਦਾਬਾਦ Haryana India 121001
    ਓਮਕਾਰ ਸੂਦ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


    ਕਰਦੇ ਬੜੇ ਕਮਾਲ ਅਸੀਂ ਸਾਂ।
    ਜਦ ਨਿੱਕੇ ਜਿਹੇ ਬਾਲ ਅਸੀਂ ਸਾਂ……।
    ਜਦੋਂ ਸਕੂਲੇ ਜਾਣਾ ਪੈਂਦਾ।
    ਚਿੱਤ ਨੂੰ ਉਦੋਂ ਡੋਬੂ ਪੈਂਦਾ।
    ਮਾਰ ਨਾ ਉੱਠਦੇ ਛਾਲ ਅਸੀਂ ਸਾਂ,
    ਜਦ ਨਿੱਕੇ ਜਿਹੇ ਬਾਲ ਅਸੀਂ ਸਾਂ……।
    ਤਰ੍ਹਾਂ-ਤਰ੍ਹਾਂ ਦੇ ਬਹਾਨੇ ਲਾਉਂਦੇ।
    ਸਕੂਲੋਂ ਛੁੱਟੀ ਮਾਰਨੀ ਚਾਹੁੰਦੇ।
    ਝੂਠ ਦੀ ਕਰਦੇ ਭਾਲ ਅਸੀਂ ਸਾਂ,
    ਜਦ ਨਿੱਕੇ ਜਿਹੇ ਬਾਲ ਅਸੀਂ ਸਾਂ……।
    ਉੱਠਣ ਲੱਗੇ ਊਂ-ਊਂ ਕਰਦੇ।
    ਬਾਪੂ ਜੀ ਇੱਕ ਕੰਨ 'ਤੇ ਧਰਦੇ।
    ਫਿਰ ਫੜ੍ਹ ਲੈਂਦੇ ਚਾਲ ਅਸੀਂ ਸਾਂ,
    ਜਦ ਨਿੱਕੇ ਜਿਹੇ ਬਾਲ ਅਸੀਂ ਸਾਂ……।
    ਕਿਸੇ-ਕਿਸੇ ਦਿਨ ਸਿਰ ਫੜ੍ਹ ਬਹਿੰਦੇ।
    ਖੇਖਣ ਕਰਦੇ ਡਿਗਦੇ-ਢਹਿੰਦੇ।
    ਐਵੇਂ ਹੁੰਦੇ ਨਿਢਾਲ ਅਸੀਂ ਸਾਂ,
    ਜਦ ਨਿੱਕੇ ਜਿਹੇ ਬਾਲ ਅਸੀਂ ਸਾਂ……।
    ਬਿਨਾਂ ਨਹਾਏ ਤੁਰ ਪੈਂਦੇ ਸਾਂ।
    ਖੇਤਾਂ ਵੱਲ ਨੂੰ ਮੁੜ ਪੈਂਦੇ ਸਾਂ।
    ਉਹ ਦਿਨ ਦਿੰਦੇ ਗ਼ਾਲ ਅਸੀਂ ਸਾਂ,
    ਜਦ ਨਿੱਕੇ ਜਿਹੇ ਬਾਲ ਅਸੀਂ ਸਾਂ……।
    ਦੂਜੀ-ਤੀਜੀ ਇਉਂ ਹੀ ਬੀਤੀ।
    ਚੌਥੀ ਵਿੱਚ ਪੜ੍ਹਾਈ ਕੀਤੀ।
    ਲੱਗ ਪਏ ਪੜ੍ਹਨ ਸਵਾਲ ਅਸੀਂ ਸਾਂ,
    ਜਦ ਨਿੱਕੇ ਜਿਹੇ ਬਾਲ ਅਸੀਂ ……।
    ਪੰਜਵੀਂ ਵਿੱਚ ਕੁਝ ਅਕਲ ਸਿੱਖ ਲਈ।
    ਸੰਵਰਨ ਦੀ ਕੁਝ ਨਕਲ ਸਿੱਖ ਲਈ।
    ਪੜ੍ਹ-ਪੜ੍ਹ ਹੋਏ ਨਿਹਾਲ ਅਸੀਂ ਸਾਂ,
    ਜਦ ਨਿੱਕੇ ਜਿਹੇ ਬਾਲ ਅਸੀਂ ਸਾਂ……।
    ਇਸ ਤੋਂ ਪਿੱਛੋਂ ਦਸਵੀਂ ਤਾਈਂ।
    ਕਰੀ ਪੜ੍ਹਾਈ ਚਾਈਂ-ਚਾਈਂ।
    ਕਰਦੇ ਹੱਲ ਸਵਾਲ ਅਸੀਂ ਸਾਂ,
    ਜਦ ਨਿੱਕੇ ਜਿਹੇ ਬਾਲ ਅਸੀਂ ਸਾਂ……।
    ਫੇਰ ਅਸੀਂ ਜਦ ਕਾਲਜ ਵੜ ਗਏ।
    ਬੱਸ ਵਿਦਿਆ ਦੀ ਪੌੜੀ ਚੜ੍ਹ ਗਏ।
    ਬਦਲ ਗਏ ਚਾਲ-ਢਾਲ ਅਸੀਂ ਸਾਂ,
    ਜਦ ਨਿੱਕੇ ਜਿਹੇ ਬਾਲ ਅਸੀਂ ਸਾਂ……।
    ਕਾਲਜ ਜਾ ਕੇ ਕਲਮਾਂ ਫੜ੍ਹੀਆਂ।
    ਮਨ ਦੇ ਵਿੱਚ ਕਵਿਤਾਵਾਂ ਵੜੀਆਂ।
    ਬੱਸ ਫਿਰ ਮਾਲਾ-ਮਾਲ ਅਸੀ ਸਾਂ,
    ਜਦ ਨਿੱਕੇ ਜਿਹੇ ਬਾਲ ਅਸੀਂ ਸਾਂ……।