medical abortion abortion pill online
ਸਬੱਬੀ ਮਿਲਣ ਆਏ
ਮਹਿਰਮ ਨੂੰ
ਤਾਨਿਆਂ ਦਾ ਮੁਹਰਾ ਨਾ ਦੇ
ਮੂੰਹ ਫੁਲਾ ਰੋਸੇ ਨਾ ਜਿਤਾ
ਉੱਠ ਗਲ ਨਾਲ ਲਾ
ਕਿਉਂਕਿ.....
ਬਹਾਨਿਆਂ ਦਾ ਘਾਟਾ ਨਹੀਂ
ਜੇ ਮਨ ਵਿੱਚ ਵੱਜਦਾ
ਪਿਆਰ ਛਣਕਾਟਾ ਨਹੀਂ
ਅੱਗੋਂ ਲਈ ਇੱਕ ਕੰਮ ਕਰ
ਇੱਕ ਨੁਕਤਾ ਆਪਣਾ
ਜੇ ਹੈ ਮਨ ਮਿਲਣੇ ਦਾ ਚਾਅ
ਚਾਹਤ ਦਿਲ ਵਿੱਚ ਜਗਾ
ਉਹਦੀ ਆਦਤ ਬਣ ਜਾ
ਉਹਨੂੰ ਆਪਣੀ ਆਦਤ ਬਣਾ
ਫਿਰ ਵੇਖ
ਪਹੁੰਚਣ ਲਈ ਤੇਰੇ ਤੱਕ
ਹਜ਼ਾਰਾਂ ਤਰੀਕੇ ਤੇ
ਲੱਖਾਂ ਨਿਕਲਦੇ ਰਾਹ
ਨਾ ਔਕੜਾਂ, ਨਾ ਕੰਡੇ
ਨਾ ਹੀ ਰਾਹਾਂ ਦੇ ਰੋੜੇ
ਰੋਕ ਸਕਣ ਉਹਦਾ ਰਾਹ
ਦੁਨੀਆਂ ਦੀ ਵੀ ਭੁੱਲ ਜਾਊ
ਵੇਖੀਂ ਸਭ ਪ੍ਰਵਾਹ
ਸੋਹਣੀ ਦਾ ਕੱਚਾ ਘੜਾ
ਇਸ ਗੱਲ ਦਾ ਹੈ ਗਵਾਹ।
ਬੱਸ ਇਹੋ ਕੰਮ ਕਰ
ਇਹੋ ਨੁਕਤਾ ਆਪਣਾ
ਪਾ ਪਿਆਰ ਦਾ ਛਰਾਟਾ
ਉਹਦੇ ਮਨ ਦੀ ਮਿੱਟੀ ਮਹਿਕਾ
|