ਮੋਟਾਪਾ (ਕਵਿਤਾ)

ਮਨਪ੍ਰੀਤ ਸਿੰਘ ਲੈਹੜੀਅਾਂ   

Email: khadrajgiri@gmail.com
Cell: +91 94638 23962
Address: ਪਿੰਡ ਲੈਹੜੀਅਾਂ, ਡਾਕ - ਭਾੳੁਵਾਲ
ਰੂਪਨਗਰ India
ਮਨਪ੍ਰੀਤ ਸਿੰਘ ਲੈਹੜੀਅਾਂ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਚੰਗੀ ਸਿਹਤ ਬਿਨ੍ਹਾ ਨਾ ਕੁੱਝ ਵੀ ਜੱਗ ਤੇ,
ਭਾਵੇਂ ਖਾਈਏ ਸੋਨੇ ਦੀਆਂ ਥਾਲੀਆਂ ਵਿੱਚ,
ਖਾਣਾ ਪੀਣਾ ਜੇ ਹੋਵੇ ਗੁਣਕਾਰੀ,
ਨੁਕਸ ਪਵੇ ਨਾ ਕਦੇ ਨਾੜੀਆਂ ਵਿੱਚ,
ਵਿਹਲੜ ਰਹਿ ਰਹਿ ਜਿਨ੍ਹਾ ਭਾਰ ਵਧਾਏ,
ਲੱਖ ਬੀਮਾਰੀਆਂ ਉਹਨਾਂ ਦੇਹਾਂ ਪਾਲੀਆਂ ਵਿੱਚ,
ਕੰਮ ਕਰਨ ਨੂੰ ਨਿੱਤ ਮੌਤ ਪੈਂਦੀ,
ਸਮਾਂ ਲੰਘਦਾਂ ਸੁਣ ਸੁਣ ਗਾਲੀਆਂ ਵਿੱਚ,
ਢਿੱਡ ਦਿਖਣ ਨਾ ਦੇਵੇ ਪੈਰ ਆਪਣੇ,
ਗਿਣਤੀ ਹੋਵੇ ਲਾਲੇ ਲਾਲੀਆਂ ਵਿੱਚ,
ਕੱਪੜਾ ਜਚਦਾ ਨਹੀ ਤੇ ਨਾ ਮਿਲੇ ਨਾਪ ਸੌਖਾ,
ਘੁੰਮਣਾ ਪੈਂਦਾ ਦੁਕਾਨਾਂ ਵਾਅਲੀਆਂ ਵਿੱਚ,
ਮੁੱਖ ਤੇ ਖੁਸ਼ੀ ਨਾ ਰਹਿੰਦੀ ਵਿਆਹਾਂ ਮੇਲਿਆਂ ਨੂੰ,
ਦੁਖੀ ਰਹੇ ਬੰਦਾਂ ਦੁਸ਼ਹਿਰੇ ਦੀਵਾਲੀਆਂ ਵਿੱਚ,
ਮੋਟੇ ਬੰਦੇ ਦਾ ਸਮਾਂ ਲੰਘਦਾਂ ਬਹੁਤ ਔਖਾ,
ਮਖੌਲ ਬਣਦਾ ਸਾਲੇ ਸਾਲੀਆਂ ਵਿੱਚ,
ਨਾ ਬੰਦਾਂ ਤੀਵੀਂ ਜੋਗਾ,ਨਾ ਤੀਵੀਂ ਬੰਦੇ ਜੋਗੀ,
ਜੋੜੀ ਲੱਗਦੀ ਫਿਰ ਜਾਅਲੀਆਂ ਵਿੱਚ,
ਸਿਹਤ ਰੱਖਣੀ ਜੇ ਮਿੱਤਰੋ ਫੁੱਲ ਵਰਗੀ,
ਜ਼ੰਕ ਫੂਡ ਨਾ ਖਾਈਏ ਕਾਹਲੀਆਂ ਵਿੱਚ,
ਤੰਦਰੁਸਤ ਬਣੀਏ ਨਾ ਸੁਸਤ ਬਣੀਏ,
ਬੰਦਾਂ ਬੰਦਾਂ ਲੱਗੇ ਖੜਾ ਚਾਲੀਆਂ ਵਿੱਚ!