ਸੱਜਣਾ ਵੇ (ਕਵਿਤਾ)

ਸੁਖਵਿੰਦਰ ਕੌਰ 'ਹਰਿਆਓ'   

Cell: +91 81464 47541
Address: ਹਰਿਆਓ
ਸੰਗਰੂਰ India
ਸੁਖਵਿੰਦਰ ਕੌਰ 'ਹਰਿਆਓ' ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਸੁਣ ਕਵਿਤਾ ਵਰਗੇ
ਸੱਜਣਾ ਵੇ
ਆ ਤੈਨੂੰ
ਹੱਥਾਂ ਦੀਆਂ
ਲਕੀਰਾਂ ਵਿੱਚ ਲਿਖਾਂ
ਰੁੱਤਾਂ, ਧੁੱਪਾਂ, ਰੰਗ
ਨਾ ਉਡਾ ਦੇਣ
ਆ ਤੈਨੂੰ ਸ਼ੀਸ਼ੇ ਜੜੀਆਂ
ਤਸਵੀਰਾਂ ਵਿਚ ਲਿਖਾਂ
ਥੋੜਾ ਕੁ ਰੁਕ ਜਾ
ਰੁੱਤ ਬਹਾਰ ਦੀ ਆਵਣ ਦੇ
ਫੁੱਲਾਂ ਵਰਗਿਆ
ਕਿੰਝ ਤੈਨੂੰ
ਕੰਡੇ ਕਰੀਰਾਂ ਵਿਚ ਲਿਖਾਂ
ਇਬਾਦਤ ਤੇਰੀ
ਸੱਜਣਾ ਰੱਬ ਵਰਗਿਆ
ਆ ਤੈਨੂੰ
ਪੀਰਾਂ ਵਿਚ ਲਿਖਾਂ
ਡਰ ਲੱਗਦਾ ਜ਼ਮਾਨਾ
ਮੁੱਢੋ ਵੈਰੀ ਇਸ਼ਕੇ ਦਾ
ਦਿਲ ਬੜਾ ਕਰਦਾ
ਤੈਨੂੰ ਰਾਂਝੇ ਹੀਰਾਂ ਵਿਚ ਲਿਖਾਂ।