ਸੱਚ ਦੀ ਬਾਤ (ਕਵਿਤਾ)

ਸੁਰਜੀਤ ਸਿੰਘ ਕਾਉਂਕੇ   

Email: sskaonke@gmail.com
Cell: +1301528 6269
Address:
ਮੈਰੀਲੈਂਡ United States
ਸੁਰਜੀਤ ਸਿੰਘ ਕਾਉਂਕੇ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਆਉ ਰਲ ਕੇ ਪਾਈਏ ਝਾਤ
ਸੱਚ ਦੀ ਕੋਈ ਸੁਣਾਈਏ ਬਾਤ
ਚਾਨਣ ਦਾ ਬੋਅ ਬੀਜ ਕੇ ਕੋਈ
ਕਾਲੀ ਸ਼ਾਹ ਮੁਕਾਈਏ ਰਾਤ
ਝੂਠਾਂ ਦੇ ਵਣਜਾਰੇ ਫਿਰਦੇ
ਲੱਭੀਏ ਉਹਨਾਂ ਦੀ ਔੋਕਾਤ
ਚਰਦੇ ਜੋ ਹਉਮੈ ਦੇ ਪੱਠੇ
ਪਿਆਰਾਂ ਦੀ ਵੰਡੀਏ ਸੌਗ਼ਾਤ
ਜਿੱਲ੍ਹਣ ਦੇ ਵਿੱਚ ਧੱਸਣਾ ਛੱਡ ਕੇ
ਤੁਰ ਪਏ ਫੁੱਲਾਂ ਦੀ ਬਰਾਤ
ਕਿਉੰ ਕਿਸੇ ਤੋਂ ਭੀਖ ਮੰਗੀਏ
ਰੱਬ ਤੋਂ ਹੀ ਪਾਈਏ ਖ਼ੈਰਾਤ
ਹੱਕ ਸੱਚ ਦਾ ਨੇਕ ਫ਼ਲਸਫ਼ਾ
ਕਿਰਤ ਕਮਾਈਏ ਕਰਮ ਦਾਤ
ਬਉਰੀ ਹਵਾ ਵੀ ਬਣ ਗਈ ਕਾਤਲ
ਘਰ ਬੈਠੋ ਨਾਂ ਬਾਹਰ ਝਾਤ
ਕਬਰਾਂ ਵਰਗੀ ਚੁੱਪ ਨਾਂ ਰਹਿਣੀ
ਰਾਤ ਦੀ ਕੁੱਖ ਚ ਹੈ ਪ੍ਰਭਾਤ