ਕਵਿਤਾਵਾਂ

  •    ਅਸਲੀ ਮਿੱਤਰ / ਮਨਪ੍ਰੀਤ ਸਿੰਘ ਲੈਹੜੀਆਂ (ਕਵਿਤਾ)
  •    ਮਾਂ / ਫੋਰਨ ਚੰਦ (ਕਵਿਤਾ)
  •    ਚਿੜੀਆ ਮੇਰੇ ਪੰਜਾਬ ਦੀਆ / ਬੂਟਾ ਗੁਲਾਮੀ ਵਾਲਾ (ਕਵਿਤਾ)
  •    ਦੁਨੀਆ ਹੱਸਦੀ ਵਸਦੀ ਚੰਗੀ ਲਗਦੀ / ਹਰਦੀਪ ਬਿਰਦੀ (ਕਵਿਤਾ)
  •    ਮੁਸੀਬਤਾਂ / ਨਾਇਬ ਸਿੰਘ ਬੁੱਕਣਵਾਲ (ਕਵਿਤਾ)
  •    ਸ਼ੁਕਰ ਕਰੋ-ਨਾ - 2 / ਮੋਹਨ ਭਾਰਤੀ (ਕਵਿਤਾ)
  •    ਗ਼ਜ਼ਲ / ਅਮਰਜੀਤ ਸਿੰਘ ਸਿਧੂ (ਗ਼ਜ਼ਲ )
  •    ਕਰੋਨਾ / ਸਤੀਸ਼ ਠੁਕਰਾਲ ਸੋਨੀ (ਕਵਿਤਾ)
  •    ਕੁਦਰਤਿ ਪੁਰਖੁ ਪਾਸਾਰ / ਕਵਲਦੀਪ ਸਿੰਘ ਕੰਵਲ (ਕਵਿਤਾ)
  •    ਗ਼ਜ਼ਲ / ਮਹਿੰਦਰ ਮਾਨ (ਗ਼ਜ਼ਲ )
  •    ਲੋਕ-ਤੱਤ / ਕੁਲਤਾਰ ਸਿੰਘ (ਕਵਿਤਾ)
  •    ਅੱਲੜ ਤੇ ਅਣਭੋਲ / ਸੁੱਖ ਚੌਰਵਾਲਾ (ਗੀਤ )
  •    ਰੁੱਤਾਂ / ਪਵਨਜੀਤ ਕੌਰ ਬੌਡੇ (ਕਵਿਤਾ)
  •    ਕਿਵੇਂ ਨਿਕਲਦੇ ਦਿਨ / ਦਲਵਿੰਦਰ ਸਿੰਘ ਗਰੇਵਾਲ (ਕਵਿਤਾ)
  •    ਲੁਕਿਆ ਇਸ਼ਕ / ਨਵਦੀਪ (ਕਵਿਤਾ)
  •    ਸਵੈਮਾਣ / ਗੁਰਪ੍ਰੀਤ ਕੌਰ ਗੈਦੂ (ਕਵਿਤਾ)
  •    ਪਿੱਪਲ਼ ਤੇ ਜੈਵ ਵਿਭਿੰਨਤਾ / ਫੋਰਨ ਚੰਦ (ਕਵਿਤਾ)
  •    ਦੁੱਖ਼ਾਂ ਭਰੀ ਨਾ ਮੁੱਕੇ ਰਾਤ / ਮਲਕੀਅਤ "ਸੁਹਲ" (ਕਵਿਤਾ)
  • ਸਭ ਰੰਗ

  •    ਮਨੁੱਖ ਹਾਰਨ ਲਈ ਨਹੀਂ ਬਣਿਆ / ਗੁਰਸ਼ਰਨ ਸਿੰਘ ਕੁਮਾਰ (ਲੇਖ )
  •    ਪੱਖੀ ਨੂੰ ਲਵਾ ਦੇ ਘੁੰਗਰੂ / ਸ਼ੰਕਰ ਮਹਿਰਾ (ਲੇਖ )
  •    ਪਿੰਡ ਦੇ ਪਿੰਡੇ 'ਤੇ ਫਿਰ ਕਿਉਂ ਮਾਸ ਦੀ ਬੋਟੀ ਨਹੀਂ ! / ਨਿਸ਼ਾਨ ਸਿੰਘ ਰਾਠੌਰ (ਲੇਖ )
  •    ਲੋਕ ਗਾਇਕ ਜਾਂ ਮੋਕ ਗਾਇਕ? / ਮਿੰਟੂ ਬਰਾੜ (ਲੇਖ )
  •    ਕਰੋਨਾ ਵਾਇਰਸ ਨੇ ਬਦਲੇ ਜ਼ਿੰਦਗੀ ਜਿਊਣ ਦੇ ਢੰਗ / ਫੈਸਲ ਖਾਨ (ਲੇਖ )
  •    ਸਕੀਮੀ ਤੇ ਮਜ਼ਾਕੀਆਂ -ਤਾਇਆ ਕੋਰਾ / ਗੁਰਬਾਜ ਸਿੰਘ ਹੁਸਨਰ (ਲੇਖ )
  •    ਕਰੋਨਾ ਮਹਾਂਮਾਰੀ ਦੌਰਾਨ ਸਿੱਖਾਂ ਦਾ ਯੋਗਦਾਨ / ਉਜਾਗਰ ਸਿੰਘ (ਲੇਖ )
  •    ਪੁਰਾਤਨ ਸੰਗੀਤਕ ਸਾਜੋ ਸਮਾਨ ਸਾਂਭੀ ਬੈਠਾ 'ਅਵਤਾਰ ਸਿੰਘ ਬਰਨਾਲਾ' / ਤਸਵਿੰਦਰ ਸਿੰਘ ਬੜੈਚ (ਲੇਖ )
  •    ਤਪਦੇ ਰਾਹਾਂ ਦੇ ਪਾਂਧੀ / ਗੁਰਮੀਤ ਸਿੰਘ ਫਾਜ਼ਿਲਕਾ (ਪੁਸਤਕ ਪੜਚੋਲ )
  •    ਵੈਨਕੂਵਰ ਦੇ ਸਿਰਕੱਢ ਸਾਹਿਤਕਾਰਾਂ ਨਾਲ ਗੋਸ਼ਟ / ਮਿੱਤਰ ਸੈਨ ਮੀਤ (ਲੇਖ )
  • ਕਾਇਨਾਤ (ਗੀਤ )

    ਨਵਦੀਪ    

    Email: no@punjabimaa.com
    Cell: +1 416 835 0620
    Address:
    Toronto Ontario Canada
    ਨਵਦੀਪ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


    ਜਾਣਾ ਬਾਬਾ ਦੂਰ ਆਪਾਂ ਟਿੱਬਿਆਂ ਤੋਂ ਪਾਰ
    ਬੰਨ੍ਹ ਲਵੀਂ ਨਾਲ ਗੰਢੇ, ਰੋਟੀਆਂ ਤੂੰ ਚਾਰ
    ਕਹਿੰਦੇ ਉੱਥੇ ਉਤਰੀਆ ਕੁੱਲ ਕਾਇਨਾਤ
    ਨੱਚਦੀਏ ਨਾਲੇ ਉੱਥੇ ਗਾਉਂਦੀਆ ਬਹਾਰ

    ਕੋਈ ਟਿੱਬਿਆਂ ਦੀ ਰਾਣੀ, ਜਿਹਦੀ ਸੁਣੀ ਸੀ ਕਹਾਣੀ
    ਜਿਹੜੀ ਸ਼ੀਸ਼ਿਆਂ ਦੇ ਪਾਣੀ ਨਾਲ ਮੁੱਖ ਧੋਂਦੀਏ
    ਉਹਦੇ ਫੁੱਲਾਂ ਦੇ ਨੇ ਵਾਲ, ਉੱਤੇ ਪੱਤੀਆਂ ਦੇ ਜਾਲ
    ਸੱਚੀਂ ਲੱਗਦੇ ਕਮਾਲ, ਜਦੋਂ ਮੁਸਕਾਉਂਦੀਏ
    ਉਸ ਰਾਣੀ ਨਾਲ ਹੋ ਗਿਆ ਏ ਮੈਨੂੰ ਤਾਂ ਪਿਆਰ
    ਜਾਣਾ ਬਾਬਾ ਦੂਰ ਆਪਾਂ ਟਿੱਬਿਆਂ ਤੋਂ ਪਾਰ

    ਗੱਲ ਸੁਣ ਨੀਂ ਕਪਾਹੇ, ਇਹਨਾਂ ਟਿੱਬਿਆਂ ਦੀ ਰਾਹੇ
    ਕੋਈ ਭੇਜੇ ਚਿੱਠੀ ਸਾਹੇ, ਲਾ ਕੇ ਪੀਲੇ ਰੰਗ ਨੀਂ
    ਉੱਥੇ ਜਗਦੇ ਚਿਰਾਗ਼, ਨਾਲੇ ਮਹਿਕਦੇ ਗੁਲਾਬ
    ਗਾਉਂਦੇ ਘੋੜੀਆਂ ਸੁਹਾਗ, ਖੁਸ਼ੀ ਅੰਗ ਸੰਗ ਨੀਂ
    ਏਹੋ ਜਿਹੀ ਖੁਸ਼ਬੂ ਦਾ ਚੜ੍ਹਿਆ ਖੁਮਾਰ
    ਜਾਣਾ ਬਾਬਾ ਦੂਰ ਆਪਾਂ ਟਿੱਬਿਆਂ ਤੋਂ ਪਾਰ

    ਸਾਰੇ ਕਹਿਕਸ਼ਾਂ ਦੇ ਤਾਰੇ, ਚੰਨ ਚਾਨਣੀ ਦੇ ਮਾਰੇ
    ਗੂੜ੍ਹੀ ਰਾਤ ਦੇ ਸਹਾਰੇ, ਚੱਲ ਆਏ ਹੋਣਗੇ
    ਉੱਥੇ ਰਿਸ਼ਮਾਂ ਦੇ ਗੀਤ, ਜਿਹਦੀ ਚੰਨ ਨਾਲ ਪ੍ਰੀਤ
    ਗਲ ਚਾਂਦੀ ਦੇ ਤਵੀਤ, ਉਨ੍ਹਾਂ ਪਾਏ ਹੋਣਗੇ
    ਦੇਣੋ ਸਾਰੇ ਚਾਅ ਅੱਜ ਉਨ੍ਹਾਂ ਉੱਤੋਂ ਵਾਰ
    ਜਾਣਾ ਬਾਬਾ ਦੂਰ ਆਪਾਂ ਟਿੱਬਿਆਂ ਤੋਂ ਪਾਰ

    ਪੈਂਡਾ ਲੰਮਾ ਸਾਡਾ ਬਾਬਾ, ਰਾਹ 'ਚ ਆਊਗਾ ਨੀਂ ਢਾਬਾ
    ਸਾਡੀ ਉਮਰਾਂ ਦਾ ਦਾਬਾ, ਉੱਤੋਂ ਤਪਦੀ ਜ਼ਮੀਨ
    ਗਰਮ ਚੱਲਣ ਹਵਾਵਾਂ, ਰੁੱਖੋਂ ਰੁੱਸੀਆ ਨੇ ਛਾਵਾਂ
    ਡੂੰਘੇ ਪਾਣੀ ਦੀਆਂ ਥਾਵਾਂ, ਮੇਰਾ ਕਰਲਾ ਯਕੀਨ
    ਪਰ ਰੱਖੀਂ ਜ਼ਰਾ ਜੇਰਾ ਆਪਾਂ ਮੰਨਣੀ ਨੀ ਹਾਰ

    ਜਾਣਾ ਬਾਬਾ ਦੂਰ ਆਪਾਂ ਟਿੱਬਿਆਂ ਤੋਂ ਪਾਰ
    ਬੰਨ੍ਹ ਲਵੀਂ ਨਾਲ ਗੰਢੇ, ਰੋਟੀਆਂ ਤੂੰ ਚਾਰ
    ਕਹਿੰਦੇ ਉੱਥੇ ਉੱਤਰੀਆ ਕੁੱਲ ਕਾਇਨਾਤ
    ਨੱਚਦੀਏ ਨਾਲੇ ਉੱਥੇ ਗਾਉਂਦੀਆ ਬਹਾਰ
    ਜਾਣਾ ਬਾਬਾ ਦੂਰ ਆਪਾਂ ਟਿੱਬਿਆਂ ਤੋਂ ਪਾਰ