ਕਵਿਤਾਵਾਂ

  •    ਪਾਤਰ! ਮੈਂ ਵੀ ਲੱਭਦਾਂ / ਅਮਰਜੀਤ ਟਾਂਡਾ (ਡਾ.) (ਕਵਿਤਾ)
  •    ਮੈਂ ਬਹਾਰਾਂ ਤੇ ਨਹੀਂ ਲਿਖਦਾ / ਅਮਰਜੀਤ ਟਾਂਡਾ (ਡਾ.) (ਕਵਿਤਾ)
  •    ਮਾਂ ਕਿੱਥੇ ਏਂ / ਅਮਰਜੀਤ ਟਾਂਡਾ (ਡਾ.) (ਕਵਿਤਾ)
  •    ਮੈਂ ਪੁੱਛਦਾ ਹਾਂ -ਸੁਰਖ਼ ਤਵੀਆਂ ਦੇ ਸੱਚੇ ਪਾਤਸ਼ਾਹ / ਅਮਰਜੀਤ ਟਾਂਡਾ (ਡਾ.) (ਕਵਿਤਾ)
  •    ਨਾਨਕ ਤੇ ਮਰਦਾਨਾ / ਅਮਰਜੀਤ ਟਾਂਡਾ (ਡਾ.) (ਕਵਿਤਾ)
  •    ਪੜ੍ਹੀਏ ਕੀ ਲਿਖਿਆ / ਅਮਰਜੀਤ ਟਾਂਡਾ (ਡਾ.) (ਕਵਿਤਾ)
  •    ਜਿੱਥੇ ਫੁੱਲਾਂ ਖਿੜ੍ਹਨਾਂ ਸੀ / ਅਮਰਜੀਤ ਟਾਂਡਾ (ਡਾ.) (ਕਵਿਤਾ)
  •    ਗੀਤ ਕਦੇ ਮਰਦੇ ਨਹੀਂ ਹੁੰਦੇ / ਅਮਰਜੀਤ ਟਾਂਡਾ (ਡਾ.) (ਕਵਿਤਾ)
  •    ਮਰ ਗਈ ਮੁਹੱਬਤ ਦਾ ਖ਼ਾਬ ਹਾਂ / ਅਮਰਜੀਤ ਟਾਂਡਾ (ਡਾ.) (ਕਵਿਤਾ)
  •    ਬੇਦਾਵਾ / ਅਮਰਜੀਤ ਟਾਂਡਾ (ਡਾ.) (ਕਵਿਤਾ)
  •    ਦਿਨ ਚੜ੍ਹਿਆ ਹੈ / ਅਮਰਜੀਤ ਟਾਂਡਾ (ਡਾ.) (ਕਵਿਤਾ)
  •    ਖਿੱਲਰੇ ਥਾਂ ਥਾਂ ਦੇਖੇ / ਅਮਰਜੀਤ ਟਾਂਡਾ (ਡਾ.) (ਕਵਿਤਾ)
  • ਦਿਨ ਚੜ੍ਹਿਆ ਹੈ (ਕਵਿਤਾ)

    ਅਮਰਜੀਤ ਟਾਂਡਾ (ਡਾ.)   

    Email: dramarjittanda@yahoo.com.au
    Address:
    United States
    ਅਮਰਜੀਤ ਟਾਂਡਾ (ਡਾ.) ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


    ਦਿਨ ਚੜ੍ਹਿਆ ਹੈ ਲਗਦਾ ਲਿਸ਼ਕਦੇ ਤੀਰ ਜੇਹਾ
    ਸੁੱਤਾ ਉੱਠਿਆ ਸੂਰਜ ਲਗਦਾ ਪੀਰ ਜੇਹਾ
     
    ਡਾਲੀਆਂ ਪੱਤਿਆਂ ਵਿਚ ਛੁਪੀ ਕੋਈ ਜਨਤ ਹੈ
    ਪੂਰਬ ਸੋਹਣਾ ਲੱਗੇ ਓਹਦੀ ਤਸਵੀਰ ਜੇਹਾ
     
    ਰੁੱਖਾਂ ਵਿਚਦੀ ਚਾਨਣ ਹੋਇਆ ਸੁੱਖਾਂ ਲਈ
    ਰਿਸ਼ਮਾਂ ਦਾ ਰੁੱਗ ਮੱਥੇ ਲਈ ਤਕਦੀਰ ਜੇਹਾ
     
    ਹੋ ਸਕਦਾ ਹੈ ਚੀਰ ਦੇਵੇ ਉਹ 'ਨੇਰੇ ਨੂੰ
    ਨੂਰ ਓਹਦੇ ਚਿਹਰੇ ਤੇ ਹੈ ਸ਼ਮਸ਼ੀਰ ਜੇਹਾ
     
    ਅਕਸ ਮੇਰਾ ਇੱਕ ਬੱਦਲ ਓੜੀ ਬੈਠਾ ਹੈ
    ਸੁਪਨਾ ਪਲਕੀਂ ਲਟਕੇ ਪਾਟੀ ਲੀਰ ਜੇਹਾ
     
    ਬਹੁਤ ਵਿਰਾਇਆ ਮੋਢੇ ਲਾ 2 ਵਿਰਦਾ ਨਹੀਂ
    ਰਾਂਝੇ ਸੀਨੇ ਹਾਉਕਾ ਉੱਗਿਆ ਹੀਰ ਜੇਹਾ
     
    ਖੰਜ਼ਰ ਵਾਂਗ ਡੁੱਬਦਾ ਜਾਵੇ ਹਿੱਕ ਦੇ ਵਿਚ
    ਸੱਲ ਹਿਜ਼ਰ ਦਾ ਸੱਜਰਾ ਤਿੱਖੇ ਤੀਰ ਜੇਹਾ
     
    ਕੀ ਕਰਾਂ ਮੈਂ ਪਾ ਕੇ ਧੁੱਪੇ ਜ਼ਖ਼ਮਾਂ ਨੂੰ
    ਦਰਦ ਨਾ ਘਟੇ ਖੁੱਭਦਾ ਜਾਵੇ ਕਰੀਰ ਜੇਹਾ