ਪੀ ਕੇ (ਕਵਿਤਾ)

ਕਵਲਦੀਪ ਸਿੰਘ ਕੰਵਲ   

Email: kawaldeepsingh.chandok@gmail.com
Cell: +91 88728 83772
Address: H. No. 501/2, Dooma Wali Gali
Patiala India 147001
ਕਵਲਦੀਪ ਸਿੰਘ ਕੰਵਲ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


ਪੀ ਕੇ 
ਜਾਂ ਬਿਨਾਂ ਪੀਤਿਆਂ
ਧਰਤੀ ਤਾਂ ਪਰ 
ਗੋਲ ਹੀ ਰਹਿਣੀ ਐ

ਅਣਰੁੱਕ 
ਆਪਣੀ ਧੁਰੀ ਦੁਆਲੇ ਘੁੰਮਦੀ
ਜੋ ਅੱਗੋਂ ਘੁੰਮੇ 
ਕਿਸੇ ਸੂਰਜ ਦੁਆਲੇ 
ਤੇ ਫ਼ੇਰ ਅੱਗੋਂ ਹੋਰ

ਤੇ ਧਰਤ-ਵਾਸੀ 
ਲਾਟੂ ਵਾਂਗੂੰ ਬੇਹੋਸ਼ 
ਮਤਿ ਵਹੀਣੇ ਕਠਪੁਤਲੇ
ਜੋ ਘੁੰਮਦੇ 
ਆਪਣੇ ਧਰਮ-ਅਡੰਬਰਾਂ ਦੇ 
ਘੁੰਮਣਘੇਰਿਆਂ ਵਿੱਚ 

ਜੋ ਅੱਗੋਂ ਘੁੰਮਦੇ ਨੇ  
ਧਰਮ ਅਤੇ ਸੱਤਾ ਦੇ 
ਮਿਲਗੋਭੇ ਤੇ ਇਖਲਾਖਹੀਣ 
ਸੰਸਥਾਈਕਰਣ ਦੇ 
ਅਗਲੇ ਤੇ
ਫ਼ਿਰ-ਫ਼ਿਰ ਅਗਲੇ 
ਘੇਰਿਆਂ ਵਿੱਚ 

ਸਾਰੇ ਹੀ ਬੱਸ 
ਘੁੰਮਦੇ ਹੀ ਤਾਂ ਰਹਿੰਦੇ ਨੇ 
ਜਨਮ ਤੋਂ ਮੌਤ ਤੀਕ
ਬੇਅਰਥੇ ...