ਖ਼ਬਰਸਾਰ

  •    ਨਾਰੀ ਦਿਵਸ ਨੂੰ ਸਮਰਪਿਤ ਦੋ ਪੁਸਤਕਾਂ ਲੋਕ ਅਰਪਣ / ਪੰਜਾਬੀ ਸਾਹਿਤ ਸਭਾ ਰਜਿ. ਪਟਿਆਲਾ
  •    ਸਿਰਜਣਧਾਰਾ ਵੱਲੋਂ ਯੁਗ ਬੋਧ ਦਾ ਵਿਸ਼ੇਸ਼ ਅੰਕ ਲੋਕ ਅਰਪਣ / ਸਿਰਜਣਧਾਰਾ
  •    ਕਾਫ਼ਲਾ ਨੇ ਮਨਾਇਆ 'ਅੰਤਰਰਾਸ਼ਟਰੀ ਮਾਂ-ਬੋਲੀ ਦਿਵਸ' / ਪੰਜਾਬੀ ਕਲਮਾਂ ਦਾ ਕਾਫ਼ਲਾ, ਟਰਾਂਟੋ
  •    ਸੰਦੌੜ ਵਿੱਚ ਕਾਵਿ ਮੁਕਾਬਲੇ ਅਤੇ ਸਲ਼ਾਨਾ ਸਮਾਰੋਹ / ਪੰਜਾਬੀ ਸਾਹਿਤ ਸਭਾ, ਸੰਦੌੜ
  •    “ ਧਰਤ ਭਲੀ ਸੁਹਾਵਣੀ” ਤੇ ਵਿਚਾਰ ਗੋਸ਼ਟੀ / ਸਾਹਿਤ ਸਭਾ ਦਸੂਹਾ
  •    ਸੈਮੂਅਲ ਜੌਹਨ ਦੇ ਨਾਟਕਾਂ ਦੀ ਭਰਪੂਰ ਪ੍ਰਸੰਸਾ / ਪੰਜਾਬੀਮਾਂ ਬਿਓਰੋ
  •    ਲੋਡੀ ਵਿਖੇ ਕਵੀ ਦਰਬਾਰ ਦਾ ਆਯੋਜਨ / ਪੰਜਾਬੀਮਾਂ ਬਿਓਰੋ
  •    ਪੰਜਾਬੀ ਯੂਨੀਵਰਸਿਟੀ ਵੱਲੋਂ ਦੋ ਸੈਮੀਨਾਰ ਆਯੋਜਿਤ / ਸਾਹਿਤ ਸਭਾ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ
  •    ਕੌਮਾਂਤਰੀ ਮਹਿਲਾ ਦਿਵਸ ਨੂੰ ਸਮਰਪਿਤ ਇਕੱਤਰਤਾ / ਵਿਸ਼ਵ ਪੰਜਾਬੀ ਸਾਹਿੱਤ ਵਿਚਾਰ ਮੰਚ
  • ਮੈਂ ਤੇ ਓਹ (ਕਵਿਤਾ)

    ਪਲਵਿੰਦਰ ਸੰਧੂ   

    Email: sandhupalwinder08@gmail.com
    Address: C-56/1, Sector 62
    NOIDA India 201307
    ਪਲਵਿੰਦਰ ਸੰਧੂ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


    ਮੈਂ ਉਸ ਕੋਲ ਰੂਹ ਲੈ ਕੇ ਜਾਂਦੀ
    ਹਰ ਵਾਰ 
    ਓ ਮੇਰੇ ਕੋਲ ਜਿਸਮ ਲੈ ਕੇ ਆਉਂਦਾ 
    ਹਰ ਵਾਰ

     

    ਮੈਨੂੰ ਅਪਣੇ ਕਲਾਵੇ ਚ ਲੈ
    ਇਕੋ ਵਾਕ ਕਹਿੰਦਾ
    ਮੇਰੀ ਪਿਆਸ ਏ ਤੂੰ......

     ਮੈਂ ਲਰਜ਼ਦੀ ਤੇ ਤਰਸਦੀ
    ਰੂਹ ਵਿਚ ਸਮਾਉਣ ਲਈ
    ਓਹ ਲਪੇਟ ਲੈਂਦਾ ਮੇਰਾ ਜਿਸਮ
    ਅਪਣੇ ਜਿਸਮ ਤੇ 
    ਮੈਨੂੰ ਉਸਦੇ ਸਾਹਾਂ ਦੀ ਸਰਗਮ
    ਚੰਗੀ ਤੇ ਮਦਹੋਸ਼ ਲੱਗਦੀ

    ਉਸਨੂੰ ਮੇਰੇ ਜਿਸਮ ਦੀਆਂ 
    ਗੋਲਾਈਆਂ ਨਾਲ ਖੇਡਣਾ ਭਾਉਂਦਾ

     ਮੈਂ ਵਿਛ ਜਾਂਦੀ ਧਰਤ ਬਣ ਕੇ
    ਮੇਰੇ ਉਪਰ ਓ ਬੋਚ ਬੋਚ 
    ਪੈਰ ਟਿਕਾਉਂਦਾ 
    ਮੇਰੇ ਪਾਰ ਚਲਾ ਜਾਂਦਾ

    ਉਹ ਪਿੰਡੇ ਦਾ ਪੈਂਡਾ 
    ਮਕਾਉਂਦਾ ਰਿਹਾ ਉਮਰ ਭਰ
    ਮੈਂ ਰੂਹ ਦੀਆਂ ਪਗਡੰਡੀਆਂ ਤੇ
    ਭਟਕਦੀ ਰਹੀ

    ਅਸੀਂ ਰਸਤਿਆਂ ਦੀਆਂ ਚੌਧੀਂਆਂ ਵਿਚ
    ਵਿਛੜੇ..ਕਦੇ ਇਕ ਨਾ ਹੋਏ।