ਮੇਰਾ ਪਿੰਡ (ਹਾਇਕੁ) (ਕਵਿਤਾ)

ਹਰਦੀਪ ਕੌਰ ਸੰਧੂ   

Phone:
Address:
ਸਿਡਨੀ ਆਸਟ੍ਰੇਲੀਆ Australia
ਹਰਦੀਪ ਕੌਰ ਸੰਧੂ ਦੀਆਂ ਹੋਰ ਰਚਨਾਵਾਂ ਪੜ੍ਹਨ ਲਈ ਇਥੇ ਕਲਿਕ ਕਰੋ


1.
ਹੱਟੀ 'ਤੇ ਜਾਣਾ
ਅੱਠ ਆਨੇ ਦਾ ਸੌਦਾ
ਰੂੰਗਾ ਲੈ ਖਾਣਾ।

2.
ਅੰਬੋ ਪਕਾਵੇ
ਨਾਲ਼ੇ ਕਰੇ ਗਿਣਤੀ
ਦੋ-ਦੋ ਸਭ ਨੂੰ।

3.
ਭੜੋਲਾ ਖਾਲੀ
ਪੀਹਣਾ ਕਰਨ ਨੂੰ
ਛੱਜ ਭਾਲਦੀ ।

4.
ਹਨ੍ਹੇਰੀ ਠੰਢ
ਰਾਤੀਂ ਦੇਵੇ ਪਹਿਰਾ
ਬਾਪੂ ਦੀ ਖੰਘ ।

5.
ਜੋੜ ਬਦਲ਼
ਕੱਖ-ਪੱਠਾ ਲੱਦਦਾ
ਗੱਡੇ 'ਤੇ ਬਾਪੂ।

6.
ਪੁਰਾਣਾ ਘਰ
ਵਿਹੜੇ 'ਚ ਖੜਕੇ
ਬਾਪੂ ਦਾ ਖੂੰਡਾ। 

7.
ਨਿੰਮਾਂ ਦੀ ਛਾਵੇਂ 
ਤਿੱਖੜ ਦੁਪਹਿਰੇ
ਲੱਗਾ ਤ੍ਰਿੰਝਣ ।

8.
ਹੱਥ ਪੂਣੀਆਂ
ਢਾਕ ਚੱਕ ਚਰਖਾ
ਚੱਲੀ ਕੱਤਣ।

9.
ਤੱਕਲ਼ੇ ਤੰਦ
ਬੋਈਏ 'ਚ ਪੂਣੀਆਂ
ਤ੍ਰਿੰਝਣੀ -ਛੋਪ।

10.
ਬੈਠ ਤ੍ਰਿੰਝਣ
ਘੂਕਰ ਸੁਰ ਮਿਲਾ
ਕੱਤੇ ਚਰਖਾ। 

11.
ਕੁੱਕੜ ਬਾਂਗ
ਚਹਿਕਣ ਚਿੜੀਆਂ
ਸਰਘੀ ਵੇਲ਼ਾ । 

12.
ਕੱਖ ਪੱਠਾ ਪਾ
ਸੁਆਣੀ ਧਾਰਾਂ ਚੋਵੇ
ਚੜ੍ਹਦੀ ਟਿੱਕੀ । 

13.
ਚੜ੍ਹੇ ਵਿਸਾਖ
ਸੁਨਹਿਰੀ ਬੱਲੀਆਂ
ਖੇਤੀਂ ਝੂਮਣ ।

14.
ਚੁੰਮਦੀ ਦਾਤੀ
ਕਣਕ ਸੋਨੇ-ਰੰਗੀ
ਬਿਖਰੇ ਮੋਤੀ।

15.
ਪੱਕੀ ਕਣਕ
ਬੱਦਲ਼ ਗਰਜਣ
ਡਰਦਾ ਮਨ।

16.
ਉਡਾਵੇ ਕਾਮਾ
ਕਣਕ ਦਾ ਬੋਹਲ਼
ਛਜਲ਼ੀ ਫੜ ।

17.
ਪੁਰਾਣਾ ਘਰ
ਬੈਠਕ 'ਚ ਅੰਗੀਠੀ
ਬਾਬੇ ਦੀ ਫੋਟੋ।

18.
ਪੀਂਘ ਚੜ੍ਹਾਵੇ 
ਕੰਨੀਂ ਪਾਏ ਲੋਟਣ 
ਲੈਣ ਹੁਲਾਰੇ ।

19.
ਚੁੱਲ੍ਹੇ ਪਤੀਲੀ 
ਗੁੜ ਦੀ ਚਾਹ ਧਰੀ 
ਗੜਬੀ ਭਰੀ।

20.
ਆਥਣ ਵੇਲ਼ਾ
ਅੰਮੜੀ ਦਾ ਵਿਹੜਾ
ਛਿੜਕਾਂ ਪਾਣੀ।





samsun escort canakkale escort erzurum escort Isparta escort cesme escort duzce escort kusadasi escort osmaniye escort