ਖੁਦਕੁਸ਼ੀ ਨੋਟ (ਕਵਿਤਾ)

buy albuterol inhaler over the counter

buy albuterol sulfate williamgonzalez.me albuterol inhaler

ਮੈਂ ਤਾਅ ਉਮਰ 
ਮਿੱਟੀ  'ਚ' ਰੁਲਦਾ
ਮਿੱਟੀ ਦੇ ਮਹਿਲ ਸਜਾਉਂਦਾ ਰਿਹਾ 

ਪਿੰਡੇ ' ਚੌ' ਕਿਰਦੇ ਮੁੜਕੇ  ਨੂੰ
ਨਹਾਉਂਣ ਦਾ ਜਰੀਆ ਬਣਾਉਂਦਾ ਰਿਹਾ 

ਕਿਰਤੀ ਬਾਪ ਦੀਆਂ ਦੇਣਦਾਰੀਆਂ ਦੇ 
ਗਿਣ ਗਿਣ ਧੌਣੇ ਧੌਦਾ ਰਿਹਾ

ਅੰਨ ਦਾਤਾ ਹੋ ਕੇ 
ਸ਼ਾਹੂਕਾਰਾਂ ਮੂਹਰੇ  ਗਿੜਗਿੜਾਉਂਦਾ ਰਿਹਾ

ਮੈਂ ਜੋ ਟਿੱਕੀ ਚੜੀ ਤੋ ਆਥਣ ਤੱਕ 
ਟਰੈਕਟਰਾਂ 'ਚ' ਡੀਜ਼ਲ ਮਚਾਉਂਦਾ ਰਿਹਾ 
ਰਾਤਾਂ ਜਾਗ  ਜਾਗ ਪਾਲੀਆਂ 
ਫ਼ਸਲਾਂ ਮੰਡੀਆਂ 'ਚ' ਪਹੁੰਚਾਉਂਦਾ ਰਿਹਾ

ਜਿਣਸ ਵਿਕਣ ਤੱਕ 
ਬੋਰੀਆਂ  ਤੇ ਹੇ ਵਿਛਿਆ 
ਰਾਤਾਂ ਜਾਗ ਜਾਗ ਲੰਘਾਉਂਦਾ ਰਿਹਾ 

ਲੂਣੀ ਰੋਟੀ ਤੇ ਗੰਡਾ ਰੱਖ 
ਢਿੱਡ ਦੀ ਭੁੱਖ ਮਿਟਾਉਂਦਾ ਰਿਹਾ 

ਖੁਦ ਮਾਲਕ ਹੋ ਕੇ 
ਬੰਧੂਆ ਮਜ਼ਦੂਰ ਜਿਹਾ ਜੀਵਨ ਜਿਉਂਦਾ ਰਿਹਾ 
ਤੇ ਆਪਣੀ ਕਿਰਤ ਦਾ ਕੱਲਾ ਕੱਲਾ ਦਾਣਾ 
ਤੁਹਾਡੇ ਢਿੱਡਾਂ ਵਿੱਚ ਪਾਉਂਦਾ ਰਿਹਾ 

ਅੱਜ ਰੋਟੀ ਤੋ ਮੁਹਤਾਜ ਹੋ ਗਿਆ ਹਾਂ
ਕਰਜੇ ਦਾ ਝੰਬਿਆ ਜੀਵਨ ਤੋ ਨਿਰਾਸ਼ ਹੋ ਗਿਆ ਹਾਂ 

ਿਹ ਹਰੀ ਕ੍ਰਾਂਤੀ ਮੇਰਾ ਮੂਹ ਚਿੜਾ ਰਹੀ  ਹੈ
ਮੇਰੀ ਔਲਾਦ ਦੀਆਂ ਸੱਧਰਾਂ ਦਾ ਮਖੌਲ ਉਡਾ ਰਹੀ ਹੈ

ਮੈ  ਲਾਹਨਤ ਜਿਹੇ ਜੀਵਨ ਤੋ ਮੁਕਤੀ ਪਾ ਰਿਹਾਂ ਹਾਂ 
ਹਕੂਮਤੀ ਕਿਸਾਨ ਹਿਤੈਸ਼ੀ ਸਕੀਮਾਂ ਦਾ  ਸੱਚ ਦਰਸ਼ਾ ਰਿਹਾਂ ਹਾਂ 

ਮੈ ਖੇਤਾਂ ਦਾ ਪੁੱਤ 
ਅੱਜ ਮੌਤ ਨੂੰ ਗਲ ਲਾ ਰਿਹਾ ਹਾਂ 
ਮੈ ਖੇਤਾਂ ਦਾ ਪੁੱਤ 
ਅੱਜ ਮੌਤ ਨੂੰ ਗਲ ਲਾ ਰਿਹਾ ਹਾਂ