ਸੰਤ ਸਿੰਘ ਸੇਖੋਂ ਦੇ 109ਵੇਂ ਜਨਮ ਦਿਨ ਨੂੰ ਸਮਰਪਿਤ ਸਾਹਿਤਕ ਸਮਾਗਮ
(ਖ਼ਬਰਸਾਰ)
ਲੁਧਿਆਣਾ, 31 ਮਈ (ਕਵਿਤਾ ਖੁੱਲਰ)-ਪੰਜਾਬੀ ਸਾਹਿਤ ਦੇ ਬਾਬਾ ਬੋਹੜ ਸਵ: ਸੰਤ ਸਿੰਘ ਸੇਖੋਂ ਦੇ 109ਵੇਂ ਜਨਮ ਦਿਨ ਨੂੰ ਸਮਰਪਿਤ ਪੈਨਸ਼ਨਰ ਵੈਲਫੇਅਰ ਐਸੋਸੀਏਸ਼ਨ ਝਾਂਡੇ ਵੱਲੋਂ ਅਦਬੀ ਦਾਇਰਾ ਮੁੱਲਾਂਪੁਰ, ਪੰਜਾਬੀ ਸਾਹਿਤ ਅਕਾਦਮੀ ਲੁਧਿਆਣਾ ਅਤੇ ਕੇਂਦਰੀ ਪੰਜਾਬੀ ਲੇਖਕ ਸਭਾ ਦੇੇ ਸਹਿਯੋਗ ਨਾਲ ਪਿੰਡ ਝਾਡੇ ਵਿਖੇ ਸਾਹਿਤਕ ਸਮਾਗਮ ਪਦਮਸ੍ਰੀ ਡਾ: ਸੁਰਜੀਤ ਪਾਤਰ, ਪਰਗਟ ਸਿੰਘ ਗਰੇਵਾਲ, ਪ੍ਰੋ: ਰਮਨ, ਤਰਲੋਚਨ ਝਾਂਡੇ, ਪ੍ਰੋ: ਸੁਰਜੀਤ ਜੱਜ, ਹਰਦੇਵ ਦਿਲਗੀਰ ਅਤੇ ਹਲਕਾ ਵਿਧਾਇਕ ਸ: ਕੁਲਦੀਪ ਸਿੰਘ ਵੈਦ ਦੇ ਸਪੁੱਤਰ ਹਰਕਰਨ ਸਿੰਘ ਤੇ ਅਧਾਰਿਤ ਪ੍ਰਧਾਨਗੀ ਮੰਡਲ ਹੇਠ ਕਰਵਾਇਆ ਗਿਆ | ਇਸ ਮੌਕੇ ਡਾ: ਪਾਤਰ ਨੇ 'ਸੰਤ ਬਾਬਾ ਠਾਕੁਰ ਸਿੰਘ ਯਾਦਗਾਰੀ ਲਾਇਬ੍ਰੇਰੀ' ਅਤੇੇ ਸੰਤ ਸਿੰਘ ਸੇਖੋਂ ਯਾਦਗਾਰੀ ਹਾਲ ਦਾ ਰਿਬਨ ਕੱਟ ਕੇ ਉਦਘਾਟਨ ਕੀਤਾ | 'ਸੇਖੋਂ ਸਾਹਿਬ ਦੀ ਸਮਕਾਲ ਵਿਚ ਪ੍ਰਸੰਗਿਕਤਾ' ਵਿਸ਼ੇ 'ਤੇ ਨਾਮਵਰ ਸ਼ਾਇਰ ਸ੍ਰੀ ਸੁਰਜੀਤ ਜੱਜ ਨੇ ਕੁੰਜੀਵਤ ਭਾਸ਼ਨ ਦਿੱਤਾ | ਇਸ ਮੌਕੇ ਸ਼ਾਇਰ ਸੁਰਜੀਤ ਜੱਜ ਨੂੰ 'ਸਾਹਿਤਿਆਰਥ ਪੁਰਸਕਾਰ' ਨਾਲ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਸੰਬੋਧਨ ਕਰਦਿਆਂ ਡਾ: ਸੁਰਜੀਤ ਪਾਤਰ ਨੇ ਕਿਹਾ ਕਿ ਸੰਤ ਸਿੰਘ ਸੇਖੋਂ ਇਕ ਮਖੌਟਾ ਨਹੀਂ ਸਗੋਂ ਚਿਹਰਾ ਸਨ, ਜਿਨ੍ਹਾਂ ਨੇੇ ਬੜੀ ਵਿਦਵਤਾ ਅਤੇ ਬੇਬਾਕੀ ਨਾਲ ਮਨੁੱਖੀ ਸਰੋਕਾਰਾਂ ਨਾਲ ਦਰਪੇਸ਼ ਚੁਣੌਤੀਆਂ ਦਾ ਚਿਤਰਣ ਕੀਤਾ | ਇਸ ਮੌਕੇ ਅਕਾਦਮੀ ਦੇ ਸਕੱਤਰ ਡਾ. ਗੁਲਜ਼ਾਰ ਸਿੰਘ ਪੰਧੇਰ, ਗਾਇਕ ਰਵਿੰਦਰ ਸਿੰਘ ਦੀਵਾਨਾ, ਗੁਰਦਿਆਲ ਦਲਾਲ, ਅਜੀਤ ਪਿਆਸਾ, ਭਗਵਾਨ ਢਿੱਲੋਂ, ਕੁਲਵਿੰਦਰ ਕੌਰ ਕਿਰਨ, ਪਰਮਜੀਤ ਕੌਰ ਮਹਿਕ, ਜਸਵੀਰ ਝੱਜ, ਅਜਮੇਰ ਸਿੰਘ, ਕਸਤੂਰੀ ਲਾਲ, ਬਲਵਿੰਦਰ ਗਲੈਕਸੀ, ਜਗੀਰ ਸਿੰਘ ਪ੍ਰੀਤ, ਜਨਮੇਜਾ ਸਿੰਘ ਜੌਹਲ, ਇੰਦਰਜੀਤ ਸਿੰਘ, ਪਿਆਰਾ ਸਿੰਘ, ਬਲਵਿੰਦਰਪਾਲ ਸਿੰਘ, ਬਲਵਿੰਦਰ ਸਿੰਘ, ਮਨਿੰਦਰਜੀਤ, ਬਲਦੇਵ ਸਿੰਘ, ਸੁਰਜੀਤ ਸਿੰਘ, ਸੁਖਮਨ, ਜੋਗਿੰਦਰ ਸਿੰਘ, ਮਾਸਟਰ ਤਰਸੇਮ ਲਾਲ, ਉਜਾਗਰ ਲਲਤੋਂ, ਨਗਿੰਦਰ ਸਿੰਘ, ਉਜਾਗਰ ਸਿੰਘ ਬੱਦੋਵਾਲ, ਮਾਸਟਰ ਮਨਜੀਤ ਸਿੰਘ ਲਲਤੋਂ ਅਤੇ ਜਸਵੰਤ ਜੀਰਖ਼ ਵਿਸ਼ੇਸ਼ ਤੌਰ 'ਤੇ ਹਾਜ਼ਰ ਸਨ | ਮੰਚ ਸੰਚਾਲਨ ਪ੍ਰੋ. ਰਮਨ ਅਤੇ ਕਾਮਰੇਡ ਕਸਤੂਰੀ ਲਾਲ ਨੇ ਬਾਖੂਬੀ ਨਿਭਾਇਆ |