ਨਵੇਂ ਸਾਲ ‘ਚ ਮੰਗੀਏ, ਰਲ ਏਹੋ ਦੁਆ
ਕਰਨ ਤਰੱਕੀਆਂ ਸਾਰੇ ਹੀ,ਚੜ੍ਹ ਜਾਵਣ ਚਾਅ
ਏਸ ਸਾਲ ਵਿਚ ਹੋ ਜਾਏ, ਹਰ ਪਾਸੇ ਖੁਸ਼ਹਾਲੀ
ਬੇ- ਰੁਜਗਾਰੀ ਨਾ ਦਿਸੇ, ਨਾ ਢਿੱਡ ਹੀ ਖਾਲੀ
ਪਿਆਰ ਸਭ ਨਾਲ ਪਾ ਦੇਹ,ਗੀਤ ਅਮਨਾ ਦੇ ਗਾ
ਨਵੇਂ ਸਾਲ ‘ਚ ,,,,,,,,,,,,,,,,,,,,,,,,,,,,,
ਚੰਗੇ ਸਾਰੇ ਬਣ ਜਾਣ, ਏਹ ਨੇਤਾ ਜਿਹੜੇ
ਜਾਤਾਂ ਧਰਮਾਂ ਦੇ ਰਹਿਣ ਨਾ, ਫਿਰ ਕੋਈ ਬਖੇੜੇ
ਏਹ ਵੋਟਾਂ ਲਈ ਨੇ ਵੰਡਦੇ , ਰਹੇ ਨਫਰਤ ਫੈਲਾਅ
ਨਵੇਂ ਸਾਲ ‘ਚ,,,,,,,,,,,,,,,,,,,,,,,,,,,,,,,,,,,,
ਦੇਸ਼ਾਂ ਦੇ ਝਗੜੇ ਖਤਮ ਹੋਣ, ਕੋਈ ਨਾ ਧੌਂਸ ਜਮਾਵੇ
ਹੱਕ ਮਿਲਣ ਜੇ ਸਭ ਨੂੰ, ਸੁਖ ਸ਼ਾਂਤੀ ਆਵੇ
ਬੰਬ ਬਦੂਕਾਂ ਬਣਾ ਰਹੇ, ਠਲ ਇਹਨੂੰ ਪਾ
ਨਵੇਂ ਸਾਲ ‘ਚ ਮੰਗੀਏ,,,,,,,,,,,,,,,,,,,,,,,,,,
ਮੰਜਲਾਂ ਅਜੇ ਤਾਂ ਪਾਉਣੀਆਂ, ਖੁਆਬ ਕਰਨੇ ਪੂਰੇ
ਚੇਹਰੇ ਦਿਸਣ ਹੱਸਦੇ, ਨਾ ਕੋਈ ਝੂਰੇ
“ਮਾਵੀ “ਸੁੱਖ ਹੈ ਮੰਗਦਾ,ਤੂੰ ਆਸ ਪੁਗਾਅ
ਨਵੇਂ ਸਾਲ ‘ਚ, ਮੰਗੀਏ,,,,,,,,,,,,