ਵਿਹੜੇ ਵਿੱਚ ਯਾਰੋ ਰੌਣਕ ਲੱਗੀ ਰਹਿੰਦੀ ,
ਸਭ ਦਾ ਹੁੰਦਾ ਸਤਿਕਾਰ ਜ਼ਮਾਨਾ ਹੋਰ ਸੀ।
ਇੱਜਤ ਹੁੰਦੀ ਘਰ ਚੋਂ ਸਿਆਣੇ ਬੰਦੇ ਦੀ ,
ਜੋ ਬਣਦਾ ਲਾਣੇਦਾਰ ਜ਼ਮਾਨਾ ਹੋਰ ਸੀ।
ਸੱਚੇ ਸੀ ਯਾਰੋ ਇਹ ਸਭ ਰਿਸ਼ਤੇ-ਨਾਤੇ,
ਹੁੰਦਾ ਸੀ ਦਿਲਾ ਚੋਂ ਪਿਆਰ ਜ਼ਮਾਨਾ ਹੋਰ ਸੀ।
ਸਾਧਨ ਨ੍ਹਈ ਸੀ ਭਾਵੇਂ, ਪਰ ਔਖੇ ਵੇਲੇ ,
ਨਿੱਭਦੇ ਸਭ ਰਿਸ਼ਤੇਦਾਰ ਜ਼ਮਾਨਾ ਹੋਰ ਸੀ।
ਖੁੱਲਾ ਖਾਣਾ - ਪੀਣਾ ਤੇ ਭਰਵਾਂ ਜੁੱਸਾ,
ਜਦ ਘਰ ਵਿੱਚ ਸੀ ਪਸ਼ੂ ਚਾਰ ਜ਼ਮਾਨਾ ਹੋਰ ਸੀ।
ਪਿੰਡ ਦੀ ਸੱਥ ਵਿੱਚ ਹੁੰਦੀ ਸੀ ਇੱਕ ਤਿਰਵੈਣੀ,
ਚਹਿਕੇ ਚਿੜੀਆਂ ਦੀ ਡਾਰ ਜ਼ਮਾਨਾ ਹੋਰ ਸੀ।