ਸੱਜਣਾਂ ਤੋ ਜੇ ਦਿੱਲ ਦਾ ਭੇਦ ਲੁਕਾਉ ਗੇ ।
ਵਿੱਚ ਭਵਿੱਖ ਜਰੂਰ ਤੁਸੀਂ ਪਛਤਾਉ ਗੇ ।
ਸੱਚ ਬੋਲਣ ਤੋ ਜੇ ਕਰ ਤੁਸੀਂ ਡਰਦੇ ਹੋ ,
ਯਾਰੋ ਜਿੰਦਗੀ ਦੇ ਵਿੱਚ ਘਾਟਾ ਖਾਉ ਗੇ ।
ਜੇ ਮੁਹੱਬਤ ਖ਼ਾਰਾਂ ਦੇ ਨਾਲ ਨਈ ਰੱਖਣੀ ,
ਫੁੱਲਾਂ ਤੋ ਫਿਰ ਦੂਰ ਤੁਸੀਂ ਹੋ ਜਾਉ ਗੇ ।
ਮੁਸ਼ਕਲਾਂ ਤਾਈਂ ਵੇਖ ਜੇ ਪਿਛੇ ਹੱਟ ਗਏ ,
ਹੱਕ ਲੈਣ ਲਈ ਕਿੱਦਾਂ ਅੱਗੇ ਆਉ ਗੇ ।
ਜੇਕਰ ਐਬਾਂ ਦੇ ਵਿੱਚ ਜਿੰਦਗੀ ਗਾਲ ਲਈ ,
ਦੂਜੇ ਨੂੰ ਫਿਰ ਦੱਸੋ ਕੀ ਸਮਝਾਉ ਗੇ ।
ਆਖਰ ਆਉਣਾ ਕੰਮ ਤੁਹਾਡੇ ਆਪਣਿਆਂ ,
ਕਿੰਜ ਗੈਰਾਂ ਸੰਗ ਰਲ ਕੇ ਵਕਤ ਲੰਘਾਉਗੇ ।
ਪੀੜ ਕੰਡੇ ਦੀ ''ਸਿੱਧੂ'' ਜੇਕਰ ਮੰਨਦੇ ਹੋ ,
ਸੂਲੀ ਉਤੇ ਸ਼ੀਨਾ ਕਿਵੇ ਟਿਕਾਉਗੇ ।