ਕੁਲਦੀਪ ਸਿੰਘ ਬੇਦੀ ਨਾਲ ਰੁਬਰੂ (ਖ਼ਬਰਸਾਰ)

ਸ਼ੋਸ਼ਲ ਮੀਡੀਆ  ਅਛੋਪਲੇ ਜਿਹੇ ਹੀ ਸਬਨਾਂ ਦੀ ਜਿੰਦਗੀ ਦਾ ਅਹਿਮ ਹਿੱਸਾ ਹੋ  ਨਿਬੜਿਆ ਹੈ । ਸ਼ੋਸ਼ਲ ਮੀਡੀਆ  ਜਿੱਥੇ ਇਕ ਪਾਸੇ  ਨਵੇ ਲੇਖਕਾਂ ਨੂੰ ਪੁੰਗਰਨ ਦਾ ਮੌਕਾ ਦੇ ਰਿਹਾ ਹੈ  , ਉਥੇ  ਦੂਜੇ ਪਾਸੇ ਸਥਾਪਿਤ ਲੇਖਕਾਂ ਲਈ  ਰਿਸ਼ਤਿਆਂ ਦੀ ਨਵੀਂ ਇਬਾਰਤ ਲਿਖਣ ਵਿੱਚ  ਵੀ ਅਹਿਮ ਰੋਲ ਅਦਾ ਕਰ ਰਿਹਾ ਹੈ । ਅਜਿਹੇ ਹੀ ਨਵੇਂ  ਰਿਸ਼ਤਿਆਂ ਦੀ ਪਾਕੀਜ਼ਗੀ ਦੀ ਮਹਿਕ ਬਿਖੇਰਦੇ ਸਥਾਪਤ ਅਤੇ ਪੁੰਗਰਦੇ ਲੇਖਕਾਂ ਦੇ  ਸਮੂਹ ' ਅਦਬ ਅੰਦਾਜ਼' ਵੱਲੋ ਬੀਤੇ ਦਿਨੀ ਪ੍ਰਸਿੱਧ ਕਹਾਣੀਕਾਰ, ਨਾਵਲਕਾਰ , ਅਨੁਵਾਦਕ ਅਤੇ ਅਦਾਰਾ ਜਗਬਾਣੀ ਦੇ ਸਾਹਿਤ ਸੰਪਾਦਕ ਜਨਾਬ ਕੁਲਦੀਪ ਸਿੰਘ ਬੇਦੀ ਨਾਲ ਰੁਬਰੂ ਪ੍ਰਗਰਾਮ ਦਾ ਆਯੋਜਨ ਕੀਤਾ ਗਿਆ । 
                                  ਵਾਂਸਾਂ ਦੇ ਦਰਖਤਾਂ ਦੀ ਛਾਂ ਹੇਠ , ਰੋਪੜ ਦੇ ਰਮਣੀਕ ' ਲੋਗ ਹਟ ' ਪਾਰਕ  ਵਿੱਚ ਆਯੋਜਿਤ ਇਸ ਲੀਕ ਤੋ ਹਟਵੇਂ  ਸਮਾਗਮ ਦਾ ਆਯੋਜਨ ਲੇਖਕ ਅਤੇ ਫਿਲਮ ਨਿਰਦੇਸ਼ਕ ਦਰਸ਼ਨ ਦਰਵੇਸ਼ , ਕਵਿੱਤਰੀ ਨੀਲੂ ਹਰਸ਼, ਲੇਖਕ ਅਤੇ ਫਿਲਮ ਅਦਾਕਾਰ ਡਾ ਸਤੀਸ਼ ਠੁਕਰਾਲ ਸੋਨੀ , ਲੇਖਕ ਡਾ ਹੇਮ ਕਿਰਨ ਆਦਿ ਦੇ ਆਪਸੀ ਤਾਲਮੇਲ ਨਾਲ ਸੰਭਵ ਹੋਇਆ । ਹਾਜ਼ਰੀਨ ਦੇ ਸਨਮੁੱਖ ਹੁੰਦਿਆਂ ਕੁਲਦੀਪ  ਬੇਦੀ ਨੇ ਆਪਣੀ ਲੇਖਨੀ ਅਤੇ ਜੀਵਨ ਨਾਲ ਸਬੰਧਿਤ ਕਈ ਪਹਿਲੂਆਂ ਤੇ  ਰੌਸ਼ਨੀ ਪਾਈ । ਆਪਣੀਆਂ ਕਹਾਣੀਆਂ Àਪਰੀ ਮਿੱਟੀ , ਕਿੰਨ੍ਹੇ ਹੀ ਵਰ੍ਹਿਆਂ ਬਾਅਦ  ਅਤੇ ਨਾਵਲਾਂ ਰੰਗ ਤਮਾਸਾ,  ਦਾਅ  ਪੇਚ , ਕਾਸ਼, ਸੰਗਲ ਨਾ ਫੜ੍ਹ       ਆਦਿ ਦੇ ਹਵਾਲੇ ਨਾਲ ਬੇਦੀ ਜੀ ਨੇ ਹਾਜ਼ਰੀਨ ਲੇਖਕਾਂ ਅਤੇ ਬੁੱਧੀਜੀਵੀਆਂ ਨੂੰ ਰਚਨਾ ਨੂੰ ਕਾਗਜ਼ ਤੇ ਉਤਾਰਨ ਤੇ ਪਹਿਲਾਂ ਆਪਣੇ ਅੰਦਰ ਪੂਰੀ ਤਰਾਂ੍ਹ ਪਕਾਉਣ ਦੀ  ਸਲਾਹ ਦਿੱਤੀ । ਉਹਨਾਂ ਲੇਖਕਾਂ ਨੂੰ ਵੱਧ ਲਿਖਣ ਨਾਲੋ ਵੱਧ ਪੜ੍ਹਨ ਲਈ ਪ੍ਰੇਰਆਿ । ਆਪਣੀ  ਫਿਲਮੀ ਲੇਖਣੀ ਬਾਬਤ ਆਪਣੇ ਵਿਚਾਰ ਰੱਖਦਿਆਂ ਬੇਦੀ  ਨੇ  ਅਦਾਰਾ ਜੱਗਬਾਣੀ  ਨਾਲ  ਆਪਣੀ ਚਾਲੀ ਕੁ ਸਾਲਾ ਸਾਂਝ ਬਾਬਤ ਵੀ ਵਿਸਥਾਰ ਨਾਲ ਵਿਚਾਰ ਰੱਖਦਿਆਂ ਅਖਬਾਰੀ ਜਿੰਮੇਵਾਰੀਆਂ ਦੀ ਚਰਚਾ ਕੀਤੀ ।
                                ਇਸ ਮੌਕੇ ਪੰਜਾਬ ਦੇ ਕਈ ਹਿੱਸਿਆਂ ਤੋ ਆ ੇ ਸੁਹਿਰਦ ਕਵੀਆਂ ਅਤੇ ਲੋਖਕਾਂ  ਪਾਲੀ ਗਿੱਦੜਬਾਹਾ, ਬਲਬੀਰ ਸੈਣੀ , ਸੁਖਜੀਤ ਸਿੰਗਰਫ , ਜੀਵਨ ਐਲ ਪੀ ਯੂ, ਪ੍ਰਿ ਦਲਜੀਤ ਹਠੂਰ, ਪ੍ਰੀਤ ਮਹਿੰਦਰ ਸਿੰਘ, ਹਰਨੇਕ ਕਲੇਰ, ਗੁਰਿੰਦਰ ਕਲਸੀ , ਡਾ ਜਤਿੰਦਰ, ਜਗਜੀਵਨ ਕੌਰ, ਜਸਬੀਰ ਮੰਡ, ਦੇਵਿੰਦਰ ਆਰਟਿਸਟ, ਕਮਲ ਸ਼ੇਖੋ ਆਦਿ ਨੇ ਕਵਿਤਾਵਾਂ ਅਤੇ ਗੀਤ ਪੇਸ਼ ਕਰਕੇ ਸਮਾਰੋਹ ਨੂੰ ਸ਼ਿਖਰਾਂ ਤੇ ਪਹੁੰਚਾ ਦਿੱਤਾ । ਸਮਾਗਮ ਦੌਰਾਨ ਮੰਚ ਸੰਚਾਲਨ ਕਵੀ ਡਾ ਸਤੀਸ਼ ਠੁਕਰਾਲ ਸੋਨੀ ਨੇ  ਕੀਤਾ , ਸਮਾਗਮ ਦੀ ਸਮਾਪਤੀ ਵੇਲੇ ਅਦਬ ਅੰਦਾਜ਼ ਵੱਲੋ ਬੇਦੀ ਜੀ ਨੂੰ ਲੋਈ ਭੇਂਟ ਕਰਕੇ ਉਹਨਾਂ ਦੀ  ਚੜ੍ਹਦੀ ਕਲਾ ਦੀ ਕਾਮਨਾ ਕੀਤੀ ਗਈ । ਅਗਲੇ ਮਹੀਨੇ ਕਿਸੇ ਹੋਰ ਕਵੀ ਸੰਗ ਰੁਬਰੂ ਕਰਨ ਦੇ ਵਾਅਦੇ ਨਾਲ ਸਮਾਰੋਹ ਸਮਾਪਤ ਹੋ ਗਿਆ।