ਸੁੰਨੀਅਾਂ ਨੇ ਰਾਹਾਂ ਤੇ ਸੁੰਨੇ ਸੁੰਨੇ ਘਰ ਨੇ,
ਸੱਜਣਾਂ ਬਿਨਾ ਪੈਰ ਧਰਦਾ ਨਾ ਕੋਈ,
ਹਰ ਦਰ ਹੀ ਘੁੰਮਿਅਾ ਸਭ ਤੋਂ ਹੀ ਮੰਗਿਅਾ,
ਮੁਰਸ਼ਦ ਦੇ ਬਾਝੋਂ ਬਾਂਹ ਫੜਦਾ ਨਾ ਕੋਈ,
ਅਾਕੜਾਂ ਦੀ ਮਾਰੀ ਫਿਰਦੀ ਇਹ ਦੁਨੀਅਾਂ,
ਗਰਜ਼ਾਂ ਬਿਨਾ ਨੇੜੇ ਖੜ੍ਹਦਾ ਨਾ ਕੋਈ,
ਅਾਪਣੀ ਹੀ ਸ਼ੌਹਰਤ ਦੇਖ ਹੱਸਦੇ ਨੇ ਲੋਕ,
ਹੋਰਾਂ ਨੰੂ ਖੁਸ਼ ਦੇਖ ਜਰਦਾ ਨਾ ਕੋਈ,
ਪੱਥਰਾਂ ਨੰੂ ਪੂਜਣ ਇਹ ਧੰਨ ਵੀ ਲਟਾਉਦੇ,
ਵਿਲਕਦੇ ਇਨਸਾਨ ਦੁੱਖ ਸੁਣਦਾ ਨਾ ਕੋਈ,
ਉਂਞ ਤਾਂ ਰਿਸ਼ਤੇਦਾਰ ਤੇ ਯਾਰ ਵੀ ਬਹੁਤ ਨੇ,
ਅੌਖੇ ਸਮਿਅਾ ਚ' ਨਾਲ ਖੜ੍ਹਦਾ ਨਾ ਕੋਈ,
ਜਿਸਮਾਂ ਨੰੂ ਨੋਚ ਨੋਚ ਖਾਂਦੀ ਇਹ ਦੁਨੀਅਾਂ,
ਸੀਰਤ ਦੀ ਚਾਹਤ ਕਰਦਾ ਨਾ ਕੋਈ,
ਲੁੱਟਦੇ ਨੇ ਹਾਕਮ ਨਾ ਕੋਈ ਰੋਕ ਟੋਕ ਹੈ,
ਜੁਲਮਾਂ ਖਿਲਾਫ ਏਥੇ ਲੜਦਾ ਨਾ ਕੋਈ,
ਆਜ਼ਾਦੀ ਦੀਅਾਂ ਗੱਲਾਂ ਕੰਗ ਕਰਦੇ ਨੇ ਸਾਰੇ,
ਜਦ ਚੱਲਦੀ ਏ ਗੋਲੀ ਤੇ ਖੜ੍ਹਦਾ ਨਾ ਕੋਈ।