ਹੱਕ ਸੱਚ ਨੂੰ ਦਬਾਓ ਨਾ ਤਿਖੀਆਂ ਕਟਾਰਾਂ ਦੇ ਨਾਲ ।
ਕਿੰਨਾਂ ਚਿਰ ਨਿੱਭੂ ਦੋਸਤੀ ਫੂਸ ਦੀ ਅੰਗਾਰਾਂ ਦੇ ਨਾਲ ।
ਸੱਚ ਨੇ ਤਾਂ ਸੱਚ ਹੀ ਰਹਿਣਾ ਹੈ ਝੂਠ ਨੇ ਸਦਾ ਝੂਠ ਹੀ ,
ਸੱਚੇ ਨੂੰ ਤੁਸੀਂ ਕੋਹੋ ਨਾਂ ਯਾਰੋ ਖੂੰਡੀਆਂ ਆਰਾਂ ਦੇ ਨਾਲ ।
ਲਿੱਖਦੇ ਹਨ ਮੁਖ ਪੰਨੇ ਤੇ ਜਿਹੜੇ ਕਾਮਿਆਂ ਦੇ ਖਿਲਾਫ ,
ਦੱਸੋ ਕਿਵੇ ਸੋਚ ਮਿਲੂ ਸਾਡੀ ਉਨਾਂ ਅਖ਼ਬਾਰਾਂ ਦੇ ਨਾਲ।
ਚੁੰਮਦੇ ਹਨ ਫਾਸੀ ਉਹ ਖਾਂਦੇ ਨੇ ਸ਼ੀਨੇ ਵਿਚ ਗੋਲੀਆਂ,
ਹੱਕ ਲੈਣ ਲਈ ਜੋ ਲੜਦੇ ਜ਼ਾਬਰ ਸਰਕਾਰਾਂ ਦੇ ਨਾਲ।
ਲਂੈਦੇ ਹਨ ਜੋ ਮੁੱਲ ਜੋਬਨ ਇੱਥੇ ਖ਼ਾਤਰ ਇਕ ਰੋਟੀ ਦੀ ,
ਨਿਭਣੀ ਨੀ ਸਾਡੀ ਸਿੱਧੂ ਉਨ੍ਹਾ ਸਾਹੂਕਾਰਾਂ ਦੇ ਨਾਲ।