ਹੇ ਮਾਂ ਮੈਨੂੰ ਦੇ ਸ਼ਬਦਾਂ ਦਾ ਵਰਦਾਨ
ਸੂਰਜ ਵਾਂਗੂ ਫੈਲੇ ਚਾਰੇ ਪਾਸੇ ਗਿਆਨ
ਧਰਤੀ ਤੇ ਅੰਬਰ ਦਾ ਇਹ ਨਜ਼ਾਰਾ
ਸ਼ਬਦਾਂ ਦਾ ਹੈ ਸਾਰਾ ਪਸਾਰਾ
ਇਹਨਾਂ ਚ ਇਕ ਮਿੱਕ ਹੋ ਕਰਾਂ ਧਿਆਨ ।
ਹੇ ਮਾਂ ਮੈਨੂੰ ਦੇ ,,,,,,,,।।
ਚਮਕਦੀ ਹੈ ਰੋਸ਼ਨੀ ਚੁਫੇਰੇ
ਭੱਜਦੇ ਨੇ ਦੂਰ ਕੂੜ ਦੇ ਹਨੇਰੇ
ਝੋਲੀ ਚ ਪਾ ਦੇ ਹੁਣ ਚਾਨਣ ਦਾ ਦਾਨ।
ਹੇ ਮਾਂ ਮੈਨੂੰ,,,,,,,।।
ਸੱਚ ਦੀ ਰੋਸ਼ਨੀ ਚੋਂ ਨਿਕਲੇ ਵਿਚਾਰ
ਝੂਠ ਨਾਲ ਨਾ ਤੁਰਾਂ ਚਾਹੇ ਮਿਲੇ ਹਾਰ
ਸਚਾਈ ਤੇ ਟਿਕਿਆ ਰਹੇ ਮੇਰਾ ਜਹਾਨ।
ਹੇ ਮਾਂ ਮੈਨੂੰ,,,,,,।।
ਦੌਲਤ ਨਾ ਸ਼ੋਹਰਤ ਨਾ ਦੁਨੀਆਂ ਸਾਰੀ
ਮੈਂ ਤਾਂ ਹਾਂ ਬਸ ਸ਼ਬਦਾਂ ਦਾ ਪੁਜਾਰੀ
ਵਧੇ ਵਿਵੇਕ ਮਾਂ ਪੰਜਾਬੀ ਦਾ ਸਨਮਾਨ।
ਹੇ ਮਾਂ ਮੈਨੂੰ,,,,,,,।।