ਬੇਸ਼ਕੀਮਤੀ ਵਿਚਾਰਾਂ ਦਾ ਸੰਗ੍ਰਹਿ (ਪੁਸਤਕ ਪੜਚੋਲ )

  ਜ਼ਿੰਦਗੀ ਦੇ ਵਿਭਿੰਨ ਸਰੋਕਾਂਰਾਂ  ਨਾਲ ਜੁੜੇ ਬੇਸ਼ਕੀਮਤੀ ਵਿਚਾਰਾਂ ਦਾ ਸੰਗ੍ਰਹਿ ਹੈ । ਪੁਸਤਕ ਲਿਖਣ ਦੇ ਪਿਛੋਕੜ ਬਾਰੇ ਜਾਣਕਾਰੀ ਦਿੰਦੇ ਹੋਏ ਲੇਖਕ ਨੇ ਲਿਖਿਆ ਹੈ ਕਿ 2010 ਵਿਚ ਉਸ ਨਾਲ ਹਾਦਸਾ ਵਾਪਰਿਆ । ਜਿਸ ਵਿਚ ਮੌਢੇ ਦੀ ਹਡੀ ਟੁਟ ਗਈ ਤੇ ਉਸਨੂੰ ਦੋ ਮਹੀਨੇ ਹਸਪਤਾਲ ਵਿਚ ਲਾਉਣੇ ਪਏ । ਇਸ ਸਮੇਂ ਦੌਰਾਨ ਲੇਖਕ ਨੇ ਕਈ ਸਾਹਿਤਕ ਕਿਤਾਬਾਂ ਦਾ ਅਧਿਅਨ ਕੀਤਾ ।  ਹਸਪਤਾਲ ਦੇ ਸਮੇਂ ਜੋ ਵਿਚਾਰ ਉਸਦੇ ਮਨ ਵਿਚ ਉਠਦੇ ਉਹ ਕਾਪੀ ਤੇ ਨੋਟ ਕਰਦਾ ਗਿਆ । ਕਿਉਂ ਕਿ ਦਿਲ ਦਰਿਆ ਸਮੁੰਦਰੌਂ ਡੂੰਘੇ-- ਕੁਝ ਨਿਬੰਧ ਵੀ ਲਿਖੇ ਜੋ ਪੰਜਾਬੀ ਟ੍ਰਿਬਿਊਨ ਵਿਚ ਛਪੇ ।ਸਮਾਂ ਆਉਣ ਤੇ ਵਿਚਾਰਾਂ ਵਾਲੀ ਕਾਪੀ ਨੂੰ ਸੌਧਿਆ ਤੇ ਛਪਣ ਲਈ ਦਿਤਾ । ਇਹ ਵਿਚਾਰ ਇਕ ਹਜ਼ਾਰ ਤੇਰਾ ਹਨ ।ਪੁਸਤਕ ਸਿਰਲੇਖ ਨੂੰ ਕਲਾਤਮਕ ਰੂਪ ਦੇ ਕੇ ਪੇਸ਼ ਕੀਤਾ ।ਇਸ ਤੋਂ ਪਹਿਲਾਂ ਲੇਖਕ ਦੀਆਂ ਦਰਜਨ ਦੇ ਕਰੀਬ ਕਿਤਾਬਾਂ ਛਪ ਚੁੱਕੀਆ ਹਨ ।  ਛੇ ਕਹਾਣੀ ਸੰਗ੍ਰਹਿ ਇਕ ਨਾਵਲ ਬਲਦੀ ਰੁੱਤ, ਰੇਖਾ ਚਿਤਰ ਜੰਗਲੀ ਗੁਲਾਬ ,ਅਨੁਵਾਦ ,ਸੰਪਾਦਨਾ ਤੇ ਆਲੋਚਨਾ ਦੀਆਂ ਚਰਚਿਤ ਕਿਤਾਬਾ ਹਨ ਜੋ ਪਾਠਕ ਸ਼ਿਦਤ ਨਾਲ ਪੜ੍ਹ ਚੁਕੇ ਹਨ । ਲੇਖਕ ਨੇ ਆਪਣਾ ਜੀਵਨ ਵੇਰਵਾ  ਦੇ ਕੇ ਸਪਸ਼ਟ ਕੀਤਾ ਹੈ ਉਸਦੀਆਂ ਕਈ ਕਿਤਾਬਾਂ ਉਪਰ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਤੇ ਕੁਰੂਕਸ਼ੇਤਰਾ ਯੂਨੀਵਰਸਿਟੀ ਵਿਚ ਸ਼ੋਧ ਪ੍ਰਬੰਧ ਲਿਖੇ ਗਏ ਹਨ ਤੇ ਖੋਜ ਕਾਰਜ ਵੀ ਹੋਇਆ ਹੈ ।   ਨਾਵਲਕਾਰ ਮਿਤਰ ਸੈਨ ਮੀਤ ਦੀਆਂ ਕਹਾਣੀਆਂ ਉਪਰ ਵੀ ਲੇਖਕ  ਨੇ ਆਲੋਚਨਾ ਦੀ  ਕਿਤਾਬ ਲਿਖੀ ਹੈ । ਪੁਸਤਕ ਦੇ ਆਰੰਭ ਵਿਚ ਲੇਖਕ ਨੇ ਜ਼ਿੰਦਗੀ ਦੇ ਦੁੱਖਾਂ ਦੀ ਗਲ ਵਿਰਸੇ ਵਿਚੋਂ  ਕੀਤੀ ਹੈ । ਗੁਰੂ ਨਾਨਕ ਦੇਵ ਜੀ ਦੇ ਮਹਾਂਵਾਕ ਨਾਨਕ ਦੁਖੀਆ ਸਭ ਸੰਸਾਰ, ਬਾਬਾ ਫਰੀਦ ਦੀ ਬਾਣੀ ਦੇ ਸਲੋਕ ਫਰੀਦਾ ਮੈਂ ਜਾਨਿਆ ਦੁਖੁ ਮੁਝ ਕੂ ਦੁਖੁ ਸਬਾਇਐ ਜਗ ,ਨੌਵੇਂ ਪਤਸ਼ਾਂਹ ਗੁਰੂ ਤੇਗ ਬਹਾਦਰ ਸਾਹਿਬ ਨੇ ਕਸ਼ਮੀਰੀ ਪੰਡਿਤਾਂ ਦਾ ਦੁਖ ਹਰਨ ਵਾਸਤੇ ਦਿਲੀ ਵਿਚ ਜਾ ਕੇ ਸ਼ਹਾਦਤ ਦੇਣ ਦੇ ਇਤਹਾਸਕ ਹਵਾਲੇ ਦਿਤੇ ਹਨ । ਪੁਸਤਕ ਦੇ ਪੰਨਾ 11 -108 ਵਿਚ ਅਨਮੋਲ ਵਿਚਾਰ ਹਨ ।