ਇੱਕ ਦਿਨ ਸੁਪਨਾ ਆਇਆ ਮੈਨੂੰ,
ਕੰਨ ਖੋਲ ਸੁਣਾਵਾ ਤੈਨੂੰ,
ਕਾਲੀਉਂ ਹੋ ਗਈ ਚਿੱਟੀ ਦਾੜ੍ਹੀ,
ਬੁੱਢੇ ਹੋ ਗਏ ਮੈਂ ਤੇ ਮੇਰੇ ਆੜੀ,
ਸਮਾਂ ਬੜਾ ਬਲਵਾਨ ਨਿਕਲਿਆ,
ਰਾਹ ਮੇਰਾ ਸਮਸ਼ਾਨ ਨਿਕਲਿਆ,
ਮਿਲੇ ਸਾਥੀ ਚਾਰ ਚੱਕਣ ਲਈ,
ਲੱਕੜਾਂ ਦੀ ਸੇਜ ਤੇ ਰੱਖਣ ਲਈ,
ਲੱਗਿਆ ਲਾਂਬੂ ਕੁੱਝ ਨਾ ਬਚਿਆ,
ਮੈਂ ਤੇ ਮੇਰਾ ਵਜੂਦ ਵੀ ਪਚਿਆ,
ਕਣ ਕਣ ਹੋਇਆ ਮੇਰਾ ਮਿੱਟੀ,
ਕੁੱਝ ਦਿਨ ਮੇਰੀ ਤੀਵੀਂ ਪਿੱਟੀ,
ਸਕੇ ਸਬੰਧੀ ਇੱਕ ਦਿਨ ਰੋਏ,
ਬਾਅਦ ਚ ਕਦੇ ਦਰਸ਼ ਨਾ ਹੋਏ,
ਅੱਖ ਖੁੱਲੀ ਤੇ ਲਾਇਆ ਅੰਦਾਜ਼ਾ,
ਜਿਉਂਦੇ ਜੀਅ ਹੀ ਹਾਂ ਮੈਂ ਰਾਜਾ,
ਮਰਿਆਂ ਨੂੰ ਇੱਥੇ ਕੋਈ ਨਾ ਪੁੱਛਦਾ,
ਜਿਉਂਦੇ ਨਾਲ ਹੀ ਹਰ ਕੋਈ ਰੁੱਸਦਾ,
ਸਾਹਾਂ ਬਿਨ ਨਾ ਮੁੱਲ ਹੈ ਚੰਮ ਦਾ,
ਜਿਉਂਦਾ ਬੰਦਾ ਹੈ ਸਭ ਦੇ ਕੰਮ ਦਾ।