ਗੁਰੂਆਂ ਪੀਰਾਂ ਦੀ ਧਰਤੀ ਸੋਹਣੀ ਦੇਸ਼ ਪੰਜਾਬ ਦੀ
ਆਓ ਤੁਹਾਨੂੰ ਗੱਲ ਸੁਣਾਈਏ ਖਿਦਰਾਣੇ ਦੀ ਢਾਬ ਦੀ।
ਚਾਲੀ ਸਿੰਘ ਜੋ ਅਨੰਦਪੁਰ ਸਾਹਿਬ ਦੇ ਕੇ ਆਏ ਬੇਦਾਵਾ
ਘਰ ਗਏ ਤਾਂ ਗੁੱਸੇ ਹੋਈਆਂ ਚਾਚੀਆਂ, ਭੈਣਾਂ, ਮਾਵਾਂ
ਗੱਲ ਕਿਉਂ ਨਾ ਮੰਨੀ ਤੁਸੀਂ ਗੁਰੂ ਗੋਬਿੰਦ ਸਿੰਘ ਸਾਬ ਦੀ,
ਆਓ ਤੁਹਾਨੂੰ ਗੱਲ ਸੁਣਾਈਏ ਖਿਦਰਾਣੇ ਦੀ ਢਾਬ ਦੀ।
ਸੁਣ ਕੇ ਤਾਹਨੇ ਮਿਹਣੇ ਸਿੰਘਾਂ ਜੱਥਾ ਇੱਕ ਬਣਾਇਆ
ਮਹਾਂ ਸਿੰਘ ਦੀ ਅਗਵਾਈ ਵਿੱਚ ਮਾਲਵੇ ਵੱਲ ਨੂੰ ਆਇਆ
ਨਾਲ ਹੀ ਉਨ੍ਹਾਂ ਦੇ ਚਲ ਪਏ ਮਰਦਾਨੀ ਮਾਤਾ ਭਾਗ ਜੀ
ਆਓ ਤੁਹਾਨੂੰ ਗੱਲ ਸੁਣਾਈਏ ਖਿਦਰਾਣੇ ਦੀ ਢਾਬ ਦੀ।
ਜੰਗ ਦੇ ਵਿੱਚ ਜੋਹਰ ਵਿਖਾ ਕੇ ਮੋਤ ਨੂੰ ਗਲ ਨਾਲ ਲਾਇਆ
ਗੁਰੂ ਜੀ ਤੋਂ ਭੁੱਲ ਬਖਸ਼ਾ ਕੇ ਬੇਦਾਵਾ ਆਪ ਪੜਵਾਇਆ
ਦੇ ਕੇ ਕੁਰਬਾਨੀ ਸਿੰਘਾਂ ਨੇ ਰੱਖੀ ਸਿੱਖੀ ਦੀ ਲਾਜ ਜੀ
ਆਓ ਤੁਹਾਨੂੰ ਗੱਲ ਸੁਣਾਈਏ ਖਿਦਰਾਣੇ ਦੀ ਢਾਬ ਦੀ।
ਪੰਜ ਹਜ਼ਾਰੀ, ਦਸ ਹਜ਼ਾਰੀ ਦਿੱਤੇ ਗੁਰੂ ਨੇ ਵਰ
ਖਿਦਰਾਣੇ ਦਾ ਨਾਂ ਬਦਲ ਕੇ ਹੋਇਆ ਮੁੱਕਤਸਰ
ਨਾਲ ਸ਼ਹੀਦੀਆਂ ਗੁਰਬਿੰਦਰ ਸਿਆਂ ਸੱਜਣ ਸਿਰਾਂ ਤੇ ਤਾਜ ਜੀ।
ਆਓ ਤੁਹਾਨੂੰ ਗੱਲ ਸੁਣਾਈਏ ਖਿਦਰਾਣੇ ਦੀ ਢਾਬ ਦੀ।
ਆਓ ਤੁਹਾਨੂੰ ਗੱਲ ਸੁਣਾਈਏ ਖਿਦਰਾਣੇ ਦੀ ਢਾਬ ਦੀ।