ਕਿਸ ਤਰਾਂ ਦੀ ਬੇਵੱਸੀ ਜਿੰਦਗੀ ਵਿਖਾ ਰਹੀ
ਮੌਤ ਹੱਥੋਂ ਆਪਣੀ ਹਸਤੀ ਮਿਟਾ ਰਹੀ ।
ਥਾਂ ,ਸਬੱਬ ,ਸਮਾ ਹੈ ਉਸਦੇ ਇਖਤਿਆਰ "ਚ "
ਮਰ ਕਿ ਹੀ ਸਮਝੀਏ ਇਹ ਸੀ ਮੌਤ ਬੁਲਾ ਰਹੀ ।
.
ਕਿਸ ਤਰਾਂ ਮੰਨਾਂ ਕਿ ਕੇਵਲ ਰੱਬ ਹੀ ਦੇਂਦਾ
ਜਦਕਿ ਬੰਦੇ ਦੀ ਮੌਤ ਬੰਦੇ ਹੱਥੋਂ ਆ ਰਹੀ ।
.
ਆਖੋ ਜੱਲਾਦਾਂ ਨੂੰ ਧੰਦਾ ਬੰਦ ਕਰ ਦਿਓ
ਫਰਜ਼ ਉਹਨਾ ਦਾ ਹਿਕਮਤੀ ਮੰਡੀ ਨਿਭਾ ਰਹੀ ।
.
ਮੌਤ ਵੰਡੀ ਜਾ ਰਹੇ ਹੱਟੀ ਸਜਾ ਕੇ
ਸੇਲ ਦੇ ਲਾਲਚ "ਚ " ਹੈ ਭੀੜ ਵਧੀ ਜਾ ਰਹੀ ।
.
ਦਿਨ -ਬ -ਦਿਨ ਹਰ ਬਸ਼ਰ ਆਪਣੇ ਘਰ ਜਾ ਰਿਹਾ
ਮੌਤ ਅੱਗੇ ਲੱਗ ਕੇ ਰਸਤਾ ਵਿਖਾ ਰਹੀ ।
.
ਜਿੰਦਗੀ ਤਾਂ ਝੂਠ ਹੈ ,ਮੈਂ ਹਾਂ ਹਕੀਕਤ
ਮੌਤ ਹਰ ਫੇਰੀ ਇਹੋ ਗੱਲ ਸਮਝਾ ਰਹੀ ।