ਖ਼ਬਰਸਾਰ

  •    'ਦਸ ਦਰਵਾਜ਼ੇ' ਦੀ ਘੁੰਡ ਚੁਕਾਈ ਤੇ ਹਰਜੀਤ ਅਟਵਾਲ ਦਾ ਸਨਮਾਨ / ਸਾਹਿਤ ਸਭਾ ਮੋਗਾ
  •    ਸੁਰਜੀਤ ਸਿੰਘ ਕਾਉਂਕੇ ਵੱਲੋਂ ਆਪਣੀਆਂ ਪੁਸਤਕਾਂ ਪੰਜਾਬੀ ਮਾਂ ਦੇ ਸੰਪਾਦਕ ਅਤੇ ਨਾਮਵਰ ਲੇਖਕ ਦਵਿੰਦਰ ਸਿੰਘ ਸੇਖਾ ਨੂੰ ਭੇਟ / ਸਾਹਿਤ ਸਭਾ ਮੋਗਾ
  •    ਪੁਸਤਕਾਂ ਸਾਡੀ ਸ਼ਖ਼ਸੀਅਤ ਨੂੰ ਨਿਖਾਰਦੀਆਂ ਹਨ / ਸਾਹਿਤ ਸਭਾ ਮੋਗਾ
  •    ਸੁਰਜੀਤ ਸਿੰਘ ਕਾਲੇਕੇ ਦੀ ਕਾਵਿ- ਵਿਅੰਗ ਪੁਸਤਕ ਤੇ ਵਿਚਾਰ ਗੋਸ਼ਟੀ / ਸਾਹਿਤ ਸਭਾ ਮੋਗਾ
  •    ਪ੍ਰੋਫੈਸਰ ਸੁਰਜੀਤ ਸਿੰਘ ਕਾਉੰਕੇ ਨੇ ਬਾਵਰਾ ਪਰਿਵਾਰ ਨੂੰ ਭੇਟ ਕੀਤੀਆਂ / ਸਾਹਿਤ ਸਭਾ ਮੋਗਾ
  •    ਜਗਜੀਤ ਸਿੰਘ ਬਾਵਰਾ ਨੂੰ ਨਵੀਆਂ ਛਪੀਆਂ ਪੁਸਤਕਾਂ ਭੇਟ ਕੀਤੀਆਂ / ਸਾਹਿਤ ਸਭਾ ਮੋਗਾ
  •    ਬੇਅੰਤ ਕੌਰ ਗਿੱਲ ਦੇ ਨਾਵਲ ‘ਮਲਾਹਾਂ ਵਰਗੇ ‘ ਤੇ ਗੰਭੀਰ ਸੰਵਾਦ / ਸਾਹਿਤ ਸਭਾ ਮੋਗਾ
  •    ਬੱਚਿਆਂ ਨੂੰ ਬਾਲ ਕਾਵਿ ਪੁਸਤਕਾਂ ਅਰਪਣ ਕੀਤੀਆਂ / ਸਾਹਿਤ ਸਭਾ ਮੋਗਾ
  •    "ਮੋਰ ਪੈਲ਼ ਕਿਉਂ ਨਹੀਂ ਪਾਉਂਦੇ" ਲੋਕ ਅਰਪਣ ਕੀਤਾ ਗਿਆ। / ਸਾਹਿਤ ਸਭਾ ਮੋਗਾ
  • 'ਦਸ ਦਰਵਾਜ਼ੇ' ਦੀ ਘੁੰਡ ਚੁਕਾਈ ਤੇ ਹਰਜੀਤ ਅਟਵਾਲ ਦਾ ਸਨਮਾਨ (ਖ਼ਬਰਸਾਰ)


    ਮੋਗਾ -- ਪੰਜਾਬੀ ਹਾਸ ਵਿਅੰਗ ਅਕਾਦਮੀ ਪੰਜਾਬ ਦੇ ਪ੍ਰਧਾਨ ਵਿਅੰਗਕਾਰ ਕੇ.ਐਲ.ਗਰਗ ਦੀ ਪ੍ਰਧਾਨਗੀ ਹੇਠ ਪ੍ਰਵਾਸੀ ਭਾਰਤੀ ਲੇਖਕ ਹਰਜੀਤ ਅਟਵਾਲ ਇੰਗਲੈਂਡ ਨਾਲ ਸਾਹਿਤਕ ਮਿਲਣੀ ਸਮਾਗਮ ਮੋਗਾ ਵਿਖੇ ਕਰਵਾਇਆ ਗਿਆ। ਸਮਾਗਮ ਦੀ ਸ਼ੁਰੂਆਤ ਗਜ਼ਲ ਗਾਇਕ  ਮਾਸਟਰ ਹਰਪ੍ਰੀਤ ਸਿੰਘ ਦੇ ਸਾਹਿਤਕ ਗੀਤ ਨਾਲ ਹੋਈ। ਅਕਾਦਮੀ ਦੇ ਪ੍ਰਧਾਨ ਕੇ.ਐਲ.ਗਰਗ ਵੱਲੋਂ ਪਹੁੰਚੀਆਂ ਹੋਈਆਂ ਪ੍ਰਮੁੱਖ ਸਖਸ਼ੀਅਤਾਂ ਨੂੰ ਜੀ ਆਇਆਂ ਆਖਦਿਆਂ ਨਿੱਘਾ ਸਵਾਗਤ ਕੀਤਾ ਗਿਆ। ਉਪਰੰਤ ਸਮਾਗਮ ਦੇ ਮੁੱਖ ਮਹਿਮਾਨ ਹਰਜੀਤ ਅਟਵਾਲ ਦੀ ਨਵ-ਪ੍ਰਕਾਸ਼ਿਤ ਪੁਸਤਕ 'ਦਸ ਦਰਵਾਜ਼ੇ' ਦੀ ਘੁੰਡ ਚੁਕਾਈ ਕਰਨ ਦੀ ਰਸਮ ਕੇ.ਐਲ.ਗਰਗ, ਕੇਂਦਰੀ ਪੰਜਾਬੀ ਲੇਖਕ ਸਭਾ ਰਜਿ: ਦੇ ਪ੍ਰਧਾਨ ਬਲਦੇਵ ਸਿੰਘ ਸੜਕਨਾਮਾ, ਸਾਹਿਤ ਅਕੈਡਮੀ ਮੋਗਾ ਦੇ ਪ੍ਰਧਾਨ ਡਾਕਟਰ ਸੁਰਜੀਤ ਬਰਾੜ ਘੋਲੀਆ ਵੱਲੋਂ ਸਾਂਝੇ ਤੌਰ ਤੇ ਨਿਭਾਈ ਗਈ ਇਸ ਮੌਕੇ ਉਨ੍ਹਾਂ ਦੇ ਨਾਲ ਕਹਾਣੀਕਾਰ ਜਿੰਦਰ ਜਲੰਧਰ, ਡਾ.ਸਾਧੂ ਰਾਮ ਲੰਗੇਆਣਾ, ਨਾਵਲਕਾਰ ਅਸ਼ਵਨੀ ਗੁਪਤਾ, ਬਲਾਵਲ ਅਟਵਾਲ, ਹਰਪ੍ਰੀਤ ਸਿੰਘ ਵੀ ਹਾਜ਼ਰ ਸਨ। ਉਪਰੰਤ ਹਰਜੀਤ ਅਟਵਾਲ ਨੇ ਲੇਖਕਾਂ ਦੇ ਰੂਬਰੂ ਹੁੰਦਿਆ ਦੱਸਿਆ ਕਿ ਉਨ੍ਹਾਂ ਨੂੰ ਸਾਹਿਤ ਲਿਖਣ ਦੀ ਚੇਟਕ ਬਚਪਨ ਤੋਂ ਹੀ ਲੱਗੀ ਤੇ ਹੁਣ ਤੱਕ ਉਹ ਡੇਢ ਦਰਜਨ ਕਿਤਾਬਾਂ ਪੰਜਾਬੀ ਮਾਂ ਬੋਲੀ ਦੀ ਝੋਲੀ ਵਿੱਚ ਪਾ ਚੁੱਕੇ ਹਨ ਵਿਦੇਸ਼ ਵਿੱਚ ਰਹਿੰਦਿਆਂ ਵੀ ਪੰਜਾਬੀ ਮਾਂ ਬੋਲੀ ਵਾਸਤੇ ਉਨ੍ਹਾਂ ਦੀ ਕਲਮ ਅੱਗੇ ਲਈ ਨਿਰੰਤਰ ਜਾਰੀ ਹੈ ਉਨ੍ਹਾਂ ਪ੍ਰਵਾਸੀ ਸਾਹਿਤਕ ਸਭਾਵਾਂ ਬਾਰੇ ਵੀ ਖੁੱਲੇ ਵਿਚਾਰ ਪੇਸ਼ ਕੀਤੇ। ਇਸਦੇ ਨਾਲ ਹੀ ਅਸ਼ਵਨੀ ਗੁਪਤਾ, ਡਾ.ਸਾਧੂ ਰਾਮ ਲੰਗੇਆਣਾ, ਹਰਪ੍ਰੀਤ ਸਿੰਘ, ਡਾ.ਸੁਰਜੀਤ ਬਰਾੜ ਵੱਲੋਂ ਰਚਨਾਵਾਂ ਪੇਸ਼ ਕੀਤੀਆ ਗਈਆਂ।ਪ੍ਰੈਸ ਨੂੰ ਉਕਤ ਜਾਣਕਾਰੀ ਹਾਸ ਵਿਅੰਗ ਅਕਾਦਮੀ ਦੇ ਪ੍ਰੈਸ ਸਕੱਤਰ ਡਾ.ਸਾਧੂ ਰਾਮ ਲੰਗੇਆਣਾ ਵੱਲੋਂ ਜਾਰੀ ਕੀਤੀ ਗਈ। ਸਾਹਿਤ ਸਭਾ ਮੋਗਾ

    Photo

    ਹਰਜੀਤ ਅਟਵਾਲ ਦੇ ਨਵ ਪ੍ਰਕਾਸ਼ਿਤ ਪੁਸਤਕ 'ਦਸ ਦਰਵਾਜ਼ੇ' ਦੇ ਘੁੰਡ ਚੁਕਾਈ ਤੇ ਉਨ੍ਹਾਂ ਦਾ ਲੋਈ ਦੇ ਕੇ ਵਿਸ਼ੇਸ਼ ਸਨਮਾਨ ਕਰਦੇ ਹੋਏ ਵਿਅੰਗਕਾਰ ਕੇ.ਐਲ.ਗਰਗ ਅਤੇ ਨਾਲ ਹਨ ਹੋਰ ਸਾਹਿਤਕਾਰ।